പാലക്കാട്: ഓടിക്കൊണ്ടിരിക്കുന്ന ബസില്‍ നിന്ന് വിദ്യാര്‍ഥിനി തെറിച്ചുവീണു. മണ്ണാര്‍ക്കാട് കുന്തിപ്പുഴ പാലത്തിനടുത്ത് ഇന്ന് ഉച്ചയ്ക്ക് പന്ത്രണ്ട് മണിയോടെയാണ് സംഭവം.

പരിക്കേറ്റ വിദ്യാര്‍ഥിനിയെ സ്വകാര്യ ആശുപത്രിയില്‍ പ്രവേശിപ്പിച്ചു. പരിക്ക് ഗുരുതരമല്ലെന്നാണ് വിവരം.

വേഗത്തില്‍ പോകുകയായിരുന്ന ബസ് വളവിലെത്തിയപ്പോള്‍ മുന്‍ഭാഗത്തെ ഡോറിലൂടെ പെണ്‍കുട്ടി റോഡിലേക്ക് തെറിച്ചുവീഴുകയായിരുന്നു. ഈ സമയത്ത് ബസിന് പിന്നില്‍ ചെറു വാഹനങ്ങള്‍ കടന്നുപോകുന്നുണ്ടായിരുന്നു. ഭാഗ്യംകൊണ്ടാണ് പെണ്‍കുട്ടി രക്ഷപ്പെട്ടത്. റോഡില്‍ വീണ പെണ്‍കുട്ടിയെയും കടന്ന് ഏറെ മുന്നോട്ട് പോയാണ് ബസ് നിര്‍ത്തിയത്.

വീഡിയോ കാണാം: