കൊയിലാണ്ടി: വിവിധ പരീക്ഷകളിൽ വിജയം നേടിയ വിദ്യാർത്ഥികളെ കേരള പ്രവാസി സംഘം കൊയിലാണ്ടി മേഖലാ കമ്മിറ്റിയുടെ നേതൃത്വത്തിൽ അനുമോദിച്ചു. എസ്.എസ്.എൽ.സി, പ്ലസ് ടു പരീക്ഷകളിൽ വിജയിച്ച വിദ്യാർത്ഥികളെയാണ് അനുമോദിച്ചത്.

കൊയിലാണ്ടിയിലെ ചെത്ത് തൊഴിലാളി ഓഫീസ് ഹാളിൽ നടന്ന ചടങ്ങ് നഗരസഭാ അധ്യക്ഷ സുധ കെ.പി ഉദ്ഘാടനം ചെയ്തു. മേഖലാ പ്രസിഡന്റ് സുരേഷ് അധ്യക്ഷനായി. പ്രവാസി കാര്യങ്ങളെ സംബന്ധിച്ച് ജില്ലാ ട്രഷററും സംസ്ഥാന കമ്മിറ്റി അംഗവുമായ മാങ്ങോട്ടിൽ സുരേന്ദ്രൻ വിശദീകരിച്ചു. ഏരിയാ പ്രസിഡന്റ് പി.കെ.അശോകൻ ആശംസാ പ്രസംഗം നടത്തി. വിനോദ് സ്വാഗതവും സാദിഖ് നന്ദിയും പറഞ്ഞു.