ഹാനികരമായ പദാര്‍ത്ഥങ്ങള്‍ ഒഴിവാക്കി ജീവിതം തന്നെ ലഹരിയാക്കൂ! പുതുലഹരിയിലേക്ക് ഒരു വോട്ടുമായി കൊയിലാണ്ടിയിലെ എസ്.എന്‍.ഡി.പി കോളേജും
കൊയിലാണ്ടി: ആന്റി നാര്‍ക്കോട്ടിക് ഡേയോടനുബന്ധിച്ച് ജൂണ്‍ 24ന് കോഴിക്കോട് ജില്ലാ ഭരണകൂടത്തിന്റെ മേല്‍നോട്ടത്തില്‍ നടത്തപെടുന്ന പുതുലഹരിയിലേക്ക് ഒരു വോട്ട് എന്ന പരിപാടിയില്‍ പങ്കുചേര്‍ന്ന് കൊയിലാണ്ടിയിലെ ആര്‍. ശങ്കര്‍ മെമ്മോറിയല്‍ എസ്.എന്‍.ഡി.പി യോഗം കോളേജ്. ക്യാമ്പസ് ഓഫ് കോഴിക്കോടിന്റെ ഭാഗമായി നടന്ന പുത്തലഹരിയിലേക്ക് ഒരു വോട്ട് എന്ന പരിപാടി കോളേജിലെ മുഴുവന്‍ കുട്ടികളുടെയും പങ്കാളിത്തം കൊണ്ട് ശ്രദ്ധേയമായി.
സാധാരണ കോളേജ് ഇലക്ഷന്റെ രീതിയില്‍ നടന്ന ഈപരിപാടിയിലൂടെ , ഹാനികരമായ പദാര്‍ത്ഥങ്ങള്‍ ഒഴിവാക്കി ജീവിതം തന്നെ ലഹരിയാക്കൂ എന്ന ആശയത്തില്‍ ആരോഗ്യകരമായ ശീലങ്ങളെ പ്രോത്സാഹിപ്പിക്കുകയും ജനാധിപത്യ സംവിധാനത്തെയും ഇലക്ഷന്‍ പ്രക്രിയയെയും വിദ്യാര്‍ത്ഥികളെ പരിചയപ്പെടുത്തുകയുമാണ് ലക്ഷ്യമാക്കുന്നത്. ഇലക്ഷന്റെ പരിപാടിയില്‍ കോഴിക്കോട് ജില്ലാ ഡവലപ്‌മെന്റ് കമ്മീഷണര്‍ അമിത്ത് മിശ്ര ഐ.എ.എസ് പങ്കെടുത്തു സംസാരിച്ചു. ഇലക്ഷന്‍ മുന്നൊരുക്കങ്ങളില്‍ അദ്ദേഹം കോളേജിനെ പ്രശംസിച്ചു.