മേലടി ബ്ലോക്ക് പഞ്ചായത്ത് 2023-24 വാര്‍ഷിക പദ്ധതി; മേപ്പയ്യൂരില്‍ ‘ശിശിരം വനിത ഹോട്ടല്‍ കാറ്ററിംഗ് യൂണിറ്റിന് തുടക്കം
മേപ്പയ്യൂര്‍: മേപ്പയ്യൂരില്‍ ശിശിരം വനിത കാറ്റിംഗ് ഗ്രൂപ്പ് സ്ഥാപനത്തിന് തുടക്കമായി. മേലടി ബ്ലോക്ക് പഞ്ചായത്ത് വാര്‍ഷിക പദ്ധതി 2023 – 24 പ്രകാരമാണ് മേപ്പയൂര്‍ ടൗണില്‍ കാറ്ററിംഗ് ഗ്രൂപ്പ് ആരംഭിച്ചിരിക്കുന്നത്.
മേലടി ബ്ലോക്ക് പഞ്ചായത്ത് പ്രസിഡണ്ട് സുരേഷ് ചങ്ങാടത്ത് കാറ്ററിംഗ് ഗ്രൂപ്പിന്റെ ഉദ്ഘാടനം നിര്‍വ്വഹിച്ചു. മേപ്പയൂര്‍ ഗ്രാമ പഞ്ചായത്ത് പ്രസിഡണ്ട് കെ.ടി. രാജന്‍ അധ്യക്ഷത വഹിച്ച ചടങ്ങില്‍ മേലടി വൈസ് പ്രസിഡണ്ട് പി. പ്രസന്ന സ്വാഗതം പറഞ്ഞു.
വ്യവസായ ഓഫീസര്‍ സുധീഷ് കുമാര്‍ റിപ്പോര്‍ട്ടഅ. വതരിപ്പിച്ചു. പഞ്ചായത്ത് വൈസ് പ്രസിദ്ധണ്ട് എന്‍.പി. ശോഭ ക്ഷേമകാര്യ സ്റ്റാന്റിംഗ് കമ്മറ്റി ചെയര്‍മാന്‍. മഞ്ഞക്കുളം നാരായണന്‍, ആരോഗ്യ വിദ്യാഭ്യാസ സ്റ്റാന്റിംഗ് കമ്മറ്റി ചെയര്‍ പേഴ്‌സണ്‍ ലീന പുതിയോട്ടില്‍ ടൗണ്‍ വാര്‍ഡ് മെമ്പര്‍ റാബിയ എടത്തിക്കണ്ടി, വ്യാപാരി വ്യവസായി സമിതി സെക്രട്ടറി വിനോദ് വടക്കയില്‍ എന്നിവര്‍ സംസാരിച്ചു. ശിശിരം വനിത ഹോട്ടല്‍ ആന്‍ഡ് കാറ്ററിംഗ് സെക്രട്ടറി ഷോണിമ നന്ദിയും പറഞ്ഞു.