അവധിക്കാല ആഘോഷങ്ങൾക്ക് വിട, ഇനി അറിവിന്റെ ലോകത്തേക്ക്; പുത്തനുടുപ്പും വർണ്ണകുടകളുമായി കൊയിലാണ്ടിയിലെ കുരുന്നുകൾ വീണ്ടും സ്കൂളുകളിൽ
കൊയിലാണ്ടി: അവധിക്കാല ആഘോഷങ്ങൾക്ക് ശേഷം പുത്തനുടുപ്പും വർണ്ണകുടകളുമായി കുരുന്നുകൾ വീണ്ടും സ്കൂളുകളിലേക്ക് എത്തി. മധുരം നൽകി അധ്യാപകർ കുട്ടികളെ വരവേറ്റു. മരതൂരിലെ വി.എം ഗോപാലൻ അടിയോടി മെമ്മോറിയൽ ഗവ. എൽ. പി സ്കൂളിൽ നടന്ന കൊയിലാണ്ടി നഗരസഭാ തല പ്രവേശനോത്സവം നഗരസഭാ ചെയർപേഴ്സൺ സുധ കിഴക്കേപ്പാട്ട് ഉദ്ഘാടനം ചെയ്തു.
വെെസ് ചെയർമാൻ അഡ്വ.കെ സത്യൻ അധ്യക്ഷത വഹിച്ചു. കൊയിലാണ്ടി എ.ഇ.ഒ സുധ പി.പി മുഖ്യാതിഥിയായി. വാർഷിക കലണ്ടർ പ്രകാശനം വിദ്യാഭ്യാസ സ്റ്റാന്റിങ് ചെയർപേഴ്സൺ നിജില പറവക്കൊടി നിർവഹിച്ചു. യൂണിഫോം വിതരണം വാർ‍ഡ് കൗൺസിലർ പ്രമോദ് എം, നോട്ട് ബുക്ക് വിതരണം പിടിഎ പ്രസിഡന്റ് പത്മേഷ് കെ.എൽ, പാഠപുസ്തക വിതരണം എസ്.എം.സി പ്രസിഡന്റ് കെ കൃഷ്ണക്കുറിപ്പ് തുടങ്ങിയവർ നിർവഹിച്ചു.
Also Read- കിരീടമണിയിച്ച് നവാഗതരെ സ്വീകരിച്ച് കുട്ടികൾ; വർണ്ണശബളമായി കൊല്ലം എൽ.പി സ്കൂളിലെ പ്രവേശനോത്സവം
വികസന കാര്യ സ്റ്റാന്റിങ് കമ്മിറ്റി ചെയർപേഴ്സൺ ഇന്ദിര ടീച്ചർ, സിആർസി കോർിനേറ്റർ അബിത എൻ, നഗരസഭാംഗം വത്സരാജ് കേളോത്ത് എം.പി.ടി.എ ചെയർപേഴ്സൺ കെ.കെ വിജിഷ, മുൻ ഹെഡ്മാസ്റ്റർ വിശ്വനാഥൻ തുടങ്ങിയവർ സംസാരിച്ചു. ഹെഡ്മിസ്ട്രസ് നഫീസ ടി സ്വഗതവും സ്റ്റാഫ് സെക്രട്ടറി അബ്ദുൾ റഹിമാൻ ബി.കെ നന്ദിയും പറഞ്ഞു.