” സരളം മലയാളം” മലയാള ഭാഷാ വാരാചരണ പരിപാടിയുമായി കൊയിലാണ്ടിയിലെ രജിസ്‌ട്രേഷന്‍ വകുപ്പ്; ഭാഷയെ സ്‌നേഹിക്കുകയും ബഹുമാനിക്കുകയും ചെയ്യുന്നവര്‍ക്ക് സന്തോഷം തരുന്ന പരിപാടിയെന്ന് സത്യചന്ദ്രന്‍ പൊയില്‍ക്കാവ്
കൊയിലാണ്ടി: മലയാള ഭാഷയെ സ്‌നേഹിക്കുകയും ബഹുമാനിക്കുകയും ചെയ്യുന്നവര്‍ക്ക് ഏറെ സന്തോഷം തരുന്ന പരിപാടിയാണ് മലയാള ഭാഷാ വാരാചരണമെന്ന് കവിയും സാഹിത്യകാരനുമായ സത്യചന്ദ്രന്‍ പൊയില്‍ക്കാവ്. എന്നും ഇത്തരം പരിപാടികള്‍ പ്രോത്സാഹിപ്പിക്കേണ്ടതുണ്ടെന്നും അദ്ദേഹം അഭിപ്രായപ്പെട്ടു. രജിസ്‌ട്രേഷന്‍ വകുപ്പിന് കീഴില്‍ കൊയിലാണ്ടി രജിസ്റ്റര്‍ ഓഫീസില്‍ നടന്ന മലയാള ഭാഷ വാരാഘോഷ പരിപാടിയില്‍ പങ്കെടുത്ത് സംസാരിക്കുകയായിരുന്നു അദ്ദേഹം.
ചൊവ്വാഴ്ച വൈകുന്നേരം നാലുമണിക്ക് നടന്ന പരിപാടിയില്‍ ജൂനിയര്‍ സൂപ്രണ്ട് മുജീബ് പി.കെ.സ്വാതം പറഞ്ഞു. സബ് രജിസ്ട്രാര്‍ സോണ ജോര്‍ജ് അധ്യക്ഷയായിരുന്നു. എ.കെ.ഡി ആന്റ് എസ്.എ കൊയിലാണ്ടി യൂണിറ്റ് സെക്രട്ടറി നമ്പ്യാക്കല്‍ ബാലകൃഷ്ണന്‍, യൂണിറ്റ് പ്രസിഡന്റ് ബാലകൃഷ്ണ വാര്യര്‍, റിട്ടയേഡ് രജിസ്‌ട്രേഷന്‍ ഡിപ്പാര്‍ട്ട്‌മെന്റ് സി.കെ.രാഘവന്‍ നായര്‍, പി.പി.ഷിബു എന്നിവര്‍ ആശംസയര്‍പ്പിച്ചു. ക്ലാര്‍ക്ക് കെ.ആര്യ നന്ദി പറഞ്ഞു.