ഒരുവര്‍ഷം നീണ്ടുനില്‍ക്കുന്ന പരിപാടികള്‍; 50 വര്‍ഷം പൂര്‍ത്തിയാക്കുന്ന കൊയിലാണ്ടി റെഡ് കര്‍ട്ടന്‍ കലാവേദിയുടെ സുവര്‍ണ്ണ ജൂബിലി ആഘോഷ സ്വാഗത സംഘം രൂപീകരിച്ചു
കൊയിലാണ്ടി: 50 വര്‍ഷം പൂര്‍ത്തിയാക്കുന്ന കൊയിലാണ്ടി റെഡ് കര്‍ട്ടന്‍ കലാവേദിയുടെ സുവര്‍ണ്ണ ജൂബിലി ആഘോഷ സ്വാഗത സംഘം രൂപീകരിച്ചു. ശില്പശാലകള്‍, നാടക പഠനക്യാമ്പുകള്‍, നാടകാവതരണം, പുസ്തകോത്സവം, സ്‌കൂള്‍ കോളേജ് വിദ്യാര്‍ത്ഥികള്‍ക്കു വേണ്ടി വിവിധ പരിപാടികള്‍, ഉദ്ഘാടന സമാപന സമ്മേളനങ്ങള്‍ കൊയിലാണ്ടിയുടെ സാംസ്‌ക്കാരിക ചരിത്രം ഉള്‍കൊള്ളുന്ന സ്മരണിക, നാടകോത്സവം എന്നിങ്ങനെ ഒരു വര്‍ഷം നീണ്ടു നില്‍ക്കുന്ന പരിപാടികള്‍ ആഘോഷത്തോടനുബന്ധിച്ച് സംഘടിപ്പിക്കും.
സംഘാടക സമിതി രക്ഷാധികാരികളായി ടി.പി രാമകൃഷ്ണന്‍ എം.എല്‍.എ, ഇ.കെ വിജയന്‍, കാനത്തില്‍ ജമീല എം.എല്‍.എ കൊയിലാണ്ടി നഗരസഭ ചെയര്‍പേഴ്‌സണ്‍ സുധ കിഴക്കേപ്പാട്ട് , കണ്‍വീനര്‍ രാഗം മുഹമ്മദാലി ചെയര്‍മാനായി ഇ.കെ അജിത് ട്രഷററായി അലി അരങ്ങാടത്ത് എന്നിവരടങ്ങുന്ന 101 അംഗ കമ്മിറ്റി രൂപീകരിച്ചു.
രൂപീകരണ യോഗം ഇ.കെ വിജയന്‍ എം.എല്‍.എ ഉദ്ഘാടനം ചെയ്തു. കലാവേദി സെക്രട്ടറി രാഗം മുഹമ്മദാലി സ്വാഗതമാശംസിച്ചു. പ്രസിഡന്റ് വി.കെ രവി അധ്യക്ഷത വഹിച്ചു. മാധ്യമ പ്രവര്‍ത്തകന്‍ എന്‍.കെ രവീന്ദ്രന്‍, ഇ.കെ അജിത്, അഡ്വ സുനില്‍ മോഹന്‍, കെ.ടി കല്യാണി ടീച്ചര്‍, അഡ്വ ടി.കെ ശ്രീനിവാസന്‍, അലി അരങ്ങാടത്ത്, സി.സത്യചന്ദ്രന്‍ രവീന്ദ്രന്‍ അനശ്വര, കെ.കെ സുധാകരന്‍ എന്നിവര്‍ സംസാരിച്ചു.