ജില്ലയിലെ വിവിധ സ്ഥലങ്ങളില്‍ അധ്യാപക നിയമനം; വിശദമായി അറിയാം
കോഴിക്കോട്: ചേളന്നൂര്‍ ശ്രീനാരായണഗുരു കോളേജ്, പെരുമണ്ണ പയ്യടിമീത്തല്‍ ജി.എല്‍.പി. സ്‌കൂള്‍ എന്നിവടങ്ങളില്‍ അധ്യാപക നിയമനം.
ചേളന്നൂര്‍ ശ്രീനാരായണഗുരു കോളേജില്‍ വിവിധ വകുപ്പുകളില്‍ അതിഥി അധ്യാപക ഒഴിവുകളിലേക്കുള്ള അഭിമുഖം മെയ് 23-ന് നടക്കും. ഇക്കണോമിക്‌സ്, ചരിത്രം, ഫിസിക്കല്‍ എജുക്കേഷന്‍, ഇംഗ്ലീഷ്, ജേണലിസം, ഭൗതികശാസ്ത്രം, കണക്ക്, രസതന്ത്രം വിഷയങ്ങളില്‍ രാവിലെ 9.30-നും ബോട്ടണി, ജന്തുശാസ്ത്രം, ബയോളജി എന്നീ വിഷയങ്ങളില്‍ ഉച്ചയ്ക്ക് ഒന്നിനുമാണ് അഭിമുഖം.
അപേക്ഷകര്‍ കോഴിക്കോട് ഉത്തരമേഖലാ കോളേജ് വിദ്യാഭ്യാസ വകുപ്പ് ഡയറക്ടറുടെ കാര്യാലയത്തില്‍ രജിസ്റ്റര്‍ ചെയ്തവരായിരിക്കണം. നെറ്റ്, പിഎച്ച്.ഡി. യോഗ്യത ഉള്ളവര്‍ക്കും അധ്യാപനത്തില്‍ മുന്‍പരിചയമുള്ളവര്‍ക്കും മുന്‍ഗണന. വിശദ വിവരങ്ങള്‍ക്ക് www.nsgcollegechelannur.edu.in
പെരുമണ്ണ പയ്യടിമീത്തല്‍ ജി.എല്‍.പി. സ്‌കൂളില്‍ എല്‍.പി.എസ്.ടി., ജൂനിയര്‍ അറബിക് ടീച്ചര്‍ തസ്തികകളില്‍ താത്കാലിക അധ്യാപകരെ നിയമിക്കുന്നതിനുള്ള അഭിമുഖം മേയ് 13-ന് നടക്കും. രാവിലെ 10.30-ന് എല്‍.പി.എസ്.ടി., 11.30-ന് ജൂനിയര്‍ അറബിക് ടീച്ചര്‍ അഭിമുഖം നടക്കും. ഫോണ്‍: 9446091935.