പുളിയഞ്ചേരി സ്വദേശിയ്ക്ക് രേഖകളടങ്ങിയ പേഴ്‌സ് തിരിച്ചുകിട്ടി; തുണയായത് എട്ടാം ക്ലാസുകാരന്‍ അര്‍പിത് ഈശ്വറിന്റെ സത്യസന്ധത
കൊയിലാണ്ടി: നഷ്ടപ്പെട്ടുവെന്നു കരുതിയ വിലപ്പെട്ട രേഖകളടങ്ങിയ പേഴ്‌സ് തിരിച്ചു കിട്ടിയതിന്റെ സന്തോഷത്തിലാണ് പുളിയഞ്ചേരി കൊടക്കാട്ടുമുറി സ്വദേശി സുബിജേഷ്.സുബിജേഷിന് തുണയായതാവട്ടെ, എട്ടാം ക്ലാസുകാരന്റെ സത്യസന്ധതയും.
മുചുകുന്ന് സ്വദേശിയും പന്തലായനി ഗവ. ഹയര്‍ സെക്കണ്ടറി സ്‌കൂള്‍ എട്ടാം ക്ലാസ് വിദ്യാര്‍ഥിയുമായ അര്‍പിത് ഈശ്വറാണ് റോഡരികില്‍ നിന്ന് കിട്ടിയ പേഴ്‌സ് ഉടമസ്ഥനെ തിരിച്ചേല്‍പ്പിച്ച് മാതൃകയായത്. റോഡരികില്‍ നിന്ന് പേഴ്‌സ് കിട്ടിയ അര്‍പിത് ഇതുമായി വീട്ടിലെത്തി അച്ഛനോട് കാര്യം പറയുകയായിരുന്നു. തുടര്‍ന്ന് അച്ഛന്‍ സുബിയെ വിളിച്ച് കാര്യം അറിയിക്കുകയായിരുന്നു.