മൂടാടി: പ്രവേശനോത്സവം വർണ്ണ ശബളമാക്കി മൂടാടിയിലെ വീരവഞ്ചേരി സ്കൂൾ. രണ്ട് മാസത്തെ മധ്യവേനലവധിക്ക് ശേഷമാണ് കുട്ടികള്‍ വീണ്ടും സ്കൂളിലേക്ക് എത്തിയത്. അറിവിന്റെ ലോകത്തേക്ക് പിച്ചവെക്കാനായി പ്രീ പ്രെെവറിയിലും ഒന്നാം ക്ലാസിലും പുതിയ കുട്ടികളെത്തി. പഞ്ചായത്ത്‌ പ്രസിഡന്റ്‌ സി കെ ശ്രീകുമാർ വീരവഞ്ചേരി പ്രീ പ്രൈമറി വിഭാഗത്തിന്റെയും വാർഡ് മെമ്പർ വി കെ രവീന്ദ്രൻ എൽ പി വിഭാഗത്തിന്റെയും പ്രവേശനോത്സവം ഉദ്ഘാടനം ചെയ്തു.

മുൻ ബി ആർ സി ട്രെയിനർ കണാരൻ മാസ്റ്റർ മുഖ്യാതിഥിയായി. കുട്ടികളെയും രക്ഷിതാക്കളെയും കഥകളിലൂടെയും പാട്ടുകളിലൂടെയും കളികളിലൂടെയും ആനന്ദ ലഹരിയിലാക്കി രസിപ്പിച്ചാണ് അദ്ദേഹം മടങ്ങിയത്.

പഞ്ചായത്ത്‌ വൈസ് പ്രസിഡന്റ്‌ ഷീജ പട്ടേരി, വിദ്യാഭ്യാസ സ്റ്റാൻഡിങ് കമ്മിറ്റി ചെയർമാൻ ടി കെ ഭാസ്കരൻ, ഹെഡ് മിസ്ട്രെസ് ഗീത കെ കുതിരോടി, മാനേജ്മെന്റ് പ്രതിനിധി മനപ്പുറത്തു ചന്ദ്രൻ നായർ, സുജാത ടി കെ, നിഷ പി, സുനിത പി എന്നിവർ സംസാരിച്ചു.