ഓല മടയില്‍ മത്സരം, മണ്‍ കൊട്ട നിര്‍മ്മാണം, നാടന്‍പാട്ട്; സി.പി.എം മേപ്പയ്യൂര്‍ സൗത്ത് ലോക്കല്‍ സമ്മേളനത്തിന്റെ ഭാഗമായുള്ള ‘പച്ചോല കളരി’യില്‍ പങ്കെടുത്ത് നാട്
മേപ്പയ്യൂര്‍: സി.പി.എം മേപ്പയ്യൂര്‍ സൗത്ത് ലോക്കല്‍ സമ്മേളനത്തിന്റെ ഭാഗമായി മേപ്പയ്യൂര്‍ ടൗണില്‍ പച്ചോല കളരി സംഘടിപ്പിച്ചു.
ഓല മടയില്‍ മത്സരം, മണ്‍ കൊട്ട നിര്‍മ്മാണം, വല്ലം മടയില്‍ മത്സരം, കുരുത്തോല, പാട്ട് അവതരണം, കര്‍ഷക തൊഴിലാളി സംഗമം എന്നിവ നടന്നു.
നാടന്‍ പാട്ട് സംഘങ്ങള്‍ മറ്റു കലാകാരന്മാര്‍ എന്നിവര്‍ പങ്കെടുത്ത വിവിധ പരിപാടികളും നടന്നു. കായലാട്, ചങ്ങരംവള്ളി, കൊഴുക്കല്ലൂര്‍, നരക്കോട്, നിടുംപൊയില്‍ പ്രദേശങ്ങളില്‍ നിന്നുള്ളവര്‍ പരിപാടിയില്‍ പങ്കെടുത്തു. കര്‍ഷക തൊഴിലാളി യൂണിയന്‍ ജില്ലാ വൈസ് പ്രസിഡന്റ് എന്‍.എം.ദാമോദരന്‍ സമ്മേളനം ഉദ്ഘാടനം ചെയ്തു. മേപ്പയൂര്‍ ഗ്രാമപഞ്ചായത്ത് പ്രസിഡന്റ് കെ.ടി.രാജന്‍, കെ. രാജീവന്‍, എ.സി അനൂപ് തുടങ്ങിയവര്‍ പ്രസംഗിച്ചു. പി .വിജയന്‍ സ്വാഗതം പറഞ്ഞു.