കൊയിലാണ്ടിയിലെ എല്‍.പി വിഭാഗം ജെ.ആര്‍.സി കാഡറ്റുകള്‍ക്കുവേണ്ടി ഏകദിന പഠന ക്യാമ്പ് കുറുവങ്ങാട് യു.പി സ്‌കൂളില്‍
കൊയിലാണ്ടി: കൊയിലാണ്ടി മുന്‍സിപ്പാലിറ്റി പരിധിയില്‍ വരുന്ന എല്‍.പി വിഭാഗം ജെ.ആര്‍.സി കാഡറ്റുകള്‍ക്ക് വേണ്ടി ഏകദിന പഠന ക്യാമ്പ് നടത്തി. കുറുവങ്ങാട് സെന്‍ട്രല്‍ യു.പി സ്‌കൂളില്‍ വെച്ച് നടന്ന ക്യാമ്പ് മുന്‍സിപ്പാലിറ്റി ചെയര്‍പേഴ്‌സണ്‍ സുധ കിഴക്കേപ്പാട്ട് ഉദ്ഘാടനം ചെയ്തു. വാര്‍ഡ് കൗണ്‍സിലര്‍ രജീഷ് വെങ്ങളത്ത് കണ്ടി അധ്യക്ഷത വഹിച്ചു.
പി.ടി.എ പ്രസിഡണ്ട് അരുണ്‍ മണമല്‍, സ്‌കൂള്‍ ഹെഡ്മാസ്റ്റര്‍ ഗോപകുമാര്‍ ചാത്തോത്ത്, ഐ.ആര്‍.സി.എസ് കൊയിലാണ്ടി താലൂക്ക് കമ്മിറ്റി വൈസ് ചെയര്‍മാന്‍ ബാലന്‍ മാസ്റ്റര്‍ എന്നിവര്‍ ആശംസകള്‍ അര്‍പ്പിച്ചു. ജെ.ആര്‍.സി സബ്ജില്ലാ കോര്‍ഡിനേറ്റര്‍ കെ.സിറാജ് സ്വാഗതവും ക്യാമ്പ് കോര്‍ഡിനേറ്റര്‍ എന്‍.ജിന്‍സി നന്ദിയും പറഞ്ഞു.
വിവിധ സെഷനുകളിലായി എന്‍.ജിന്‍സി, സി.ബാലന്‍ മാസ്റ്റര്‍, കെ.സിറാജ്, ബി.ആര്‍.സി അധ്യാപകരായ പി.ജമുന, ഷൈമ, ക്രിസ്റ്റബല്‍ എന്നിവര്‍ ക്ലാസുകള്‍ നയിച്ചു.