കൊയിലാണ്ടി: നമ്പ്രത്തുകര പനന്തോടി കുടുംബസംഗമം കൊല്ലം ലെയക്ക് വ്യൂ ഓഡിറ്റോറിയത്തില്‍ വച്ച് നടന്നു. നാലു തലമുറകളാണ് ഒത്തുകൂടിയത്. കുടുംബത്തിലെ മുതിര്‍ന്ന അംഗങ്ങളായ ശാരദാമ്മ ,മണ്ണാറോത്ത് ശാരദമ്മ ,പനന്തോടി, രാധ പിലാത്തോട്ടത്തില്‍ സോമന്‍ ,പനന്തോടി പങ്കജാക്ഷന്‍ ,മാവട്ടന എന്നിവരുടെ സാന്നിധ്യത്തില്‍ ശാരദമ്മ ഭദ്രദീപം കൊളുത്തി കുടുംബസംഗമം ഉദ്ഘാടനം ചെയ്തു.

ദിനേശന്‍ പനന്തോടി സ്വാഗതം പറഞ്ഞ ചടങ്ങില്‍ മരണപ്പെട്ട കുടുംബാംഗങ്ങളെ അനുസ്മരിച്ചു. വിവിധ മേഖലകളില്‍ കഴിവ് തെളിയിച്ച കുട്ടികളെ അനുമോദിച്ചു. തുടര്‍ന്ന് മധുര വിതരണവും കുടുംബാംഗങ്ങളുടെ വിവിധ കലാപരിപാടികളും നടന്നു.