കോടഞ്ചേരിയില്‍ വെള്ളച്ചാട്ടത്തില്‍ മുങ്ങി എന്‍.ഐ.ടി വിദ്യാര്‍ത്ഥിയ്ക്ക് ദാരുണാന്ത്യം
കോടഞ്ചേരി: കോടഞ്ചേരിയില്‍ വെള്ളച്ചാട്ടത്തില്‍ വീണ്ടും ഒരാള്‍ മുങ്ങി മരിച്ചു. എന്‍.ഐ.ടി വിദ്യാര്‍ത്ഥിയായ ആന്ധ്ര സ്വദേശി രേവന്ത് ആണ് മരിച്ചത്. കോടഞ്ചേരി ഗ്രാമപഞ്ചായത്ത് പതങ്കയം വെള്ളച്ചാട്ടത്തില്‍ ഇന്നലെ വൈകുന്നേരമാണ് അപകടം ഉണ്ടായത്.
വിദ്യാര്‍ത്ഥികള്‍ അടങ്ങിയ ആറംഗ സംഘം ജീപ്പില്‍ പതങ്കയം വെള്ളച്ചാട്ടത്തില്‍ കുളിക്കാന്‍ എത്തുകയായിരുന്നു. വെള്ളച്ചാട്ടത്തില്‍ മുങ്ങിത്താണ രേവന്തിനെ കൂടെ ഉണ്ടായിരുന്നവര്‍ രക്ഷപ്പെടുത്തി കരയ്ക്ക് എത്തിച്ചെങ്കിലും മരണം സംഭവിക്കുകയായിരുന്നു.