എന്‍ സി പി തിക്കോടി മണ്ഡലം വൈസ് പ്രസിഡന്റ് കെ വി നാണുവിന്റെ ഒന്നാം ചരമവാര്‍ഷികത്തില്‍ അനുസ്മരിച്ച് എന്‍ സി പി തിക്കോടി മണ്ഡലം പ്രവര്‍ത്തകര്‍
കൊയിലാണ്ടി: എന്‍.സി.പി. കൊയിലാണ്ടി ബ്ലോക്ക് എക്‌സിക്യുട്ടീവ് അംഗം തിക്കോടി മണ്ഡലം വൈസ് പ്രസിഡന്റ് കെ.വി. നാണുവിന്റെ ഒന്നാം ചരമവാര്‍ഷികം സംഘടിപ്പിച്ച് എന്‍.സി.പി.തിക്കോടി മണ്ഡലം കമ്മിറ്റി.
തിക്കോട് എന്‍.എച്ച് അടിപ്പാത സമരത്തില്‍ മുന്‍പന്തിയില്‍ ഉണ്ടായിരുന്ന കെ.വി. നാണു അടിപ്പാതക്കു വേണ്ടി വിളിച്ചു ചേര്‍ത്ത യോഗത്തില്‍ പങ്കെടുത്തു തിരിച്ചു പോകുമ്പോളായിരുന്നു തിക്കോടി ടൗണില്‍ വെച്ച് ബൈക്ക് തട്ടി മരണപ്പെട്ടത്.
തിക്കോടി ടൗണിലെ അടിപ്പാത സമരപന്തലില്‍ നടന്ന അനുസ്മരണ സമ്മേളനം എന്‍.സി.പി. സംസ്ഥാന സെക്രട്ടറി സി. സത്യചന്ദ്രന്‍ ഉദ്ഘാടനം ചെയ്തു. എന്‍.സി.പി.കൊയിലാണ്ടി ബ്ലോക്ക് പ്രസിഡന്റ് സി. രമേശന്‍ അധ്യക്ഷത വഹിച്ചു.
എന്‍.സി.പി. ജില്ലാ ജനറല്‍ സെക്രട്ടറി കെ.ടി.എം. കോയ അനുസ്മരണ പ്രഭാഷണം നടത്തി.
ആര്‍.വിശ്വന്‍, സന്തോഷ് തിക്കോടി, എം.കെ. പ്രേമന്‍, ഉമ്മര്‍ അരിക്കല്‍, മുരളീധരന്‍ കോയിക്കല്‍, ഇ.ശശി, ടി.കെ. രഗ്മാംഗദന്‍ മാസ്റ്റര്‍, കെ.വി. സുരേഷ്, ഇ.കെ സുകുമാരന്‍, ഇ.എസ്. രാജന്‍, കെ.കെ.ശ്രീഷു മാസ്റ്റര്‍, ചേനോത്ത് ഭാസ്‌ക്കരന്‍ മാസ്റ്റര്‍, എ.വി. ബാലകൃഷ്ണന്‍, പി.വി സജിത്ത് എന്നിവര്‍ സംസാരിച്ചു. എന്‍.സി.പി. തിക്കോടി മണ്ഡലം പ്രസിഡന്റ് രവീന്ദ്രന്‍ എടവനകണ്ടി സ്വാഗതവും എ. വല്‍സരാജ് നന്ദിയും പറഞ്ഞു.