വടകര: മേമുണ്ട സ്കൂളിലെ 20ൽ അധികം വിദ്യാർത്ഥികൾക്ക് മഞ്ഞപ്പിത്തം ബാധ. ഇതേ തുടർന്ന് സ്കൂളിലെ കിണർ വെള്ളം ആരോഗ്യ വകുപ്പ് പരിശോധിച്ചു. ഈ പരിശോധന ഫലം നെഗറ്റീവാണ്. വില്ല്യാപ്പള്ളി,ആയഞ്ചേരി,തിരുവള്ളൂർ,മണിയൂർ,വേളം, വടകര മുനിസിപ്പൽ പരിധിയിലേയും വിദ്യാർത്ഥികളാണ് ചികിത്സയിലുള്ളത്.

വില്ല്യാപ്പള്ളി പഞ്ചായത്ത്‌ പരിധിയിൽ മഞ്ഞപിത്തം റിപ്പോർട്ട്‌ ചെയ്ത സാഹചര്യത്തിൽ ആരോഗ്യവകുപ്പും ഭക്ഷ്യ സുരക്ഷാവകുപ്പും മേമുണ്ട പ്രദേശത്തെ കടകളിൽ പരിശോധന നടത്തി. 3 കടകൾ അടച്ചു പൂട്ടാൻ നിർദേശം നൽകി.മേമുണ്ട സ്കൂൾ പരിസരത്തെ കടകളാണ് മൂന്നും .ഹെൽത്ത് കാർഡ് എടുക്കാത്തതിനെ തുടർന്നാണ് നടപടി. വിദ്യാർത്ഥികൾക്ക് ​രോ​ഗം വരാൻ കാരണം സ്കൂളിന് പുറത്ത് നിന്നാണെന്നാണ് ആരോ​ഗ്യ വകുപ്പിന്റെ നി​ഗമനം.

സ്കൂളിന് പുറത്തെ കടകളിൽ നിന്ന് വാങ്ങുന്ന സിപ്പപ്പ്, ഹൈസ്ക്രീം, ഐസ്, ജ്യൂസ്, എന്നിവയിൽ നിന്നാകാം രോ​ഗം വന്നത് എന്ന്ാണ് ആരോ​ഗ്യ വകുപ്പ് പറയുന്നത് . തുടർന്ന് ഇവിടുത്തെ കടകളിലെ വെള്ളം പരിശോധിക്കാൻ ആ​രോ​ഗ്യ വകുപ്പ് നടപടി സ്വീകരിച്ചു.മഞ്ഞപിത്തം പടർന്നു പിടിക്കുന്ന സാഹചര്യത്തിൽ ആരോഗ്യ വകുപ്പ് ബോധവത്കരണ പ്രവർത്തനവും ഊർജിതമാക്കി.