മേപ്പയ്യുർ: മാരകമായ ലഹരി വിപത്തിനെതിരെ ജനകീയ മുന്നേറ്റം സൃഷ്ടിക്കാനും പഞ്ചായത്തിനെ മാലിന്യ മുക്ത പഞ്ചായത്തായി പ്രഖ്യാപിക്കാനും മേപ്പയ്യൂർ ഗ്രാമ പഞ്ചായത്ത് വിളിച്ചു ചേർത്ത ജനകീയ കൺവൻഷൻ തീരുമാനിച്ചു. ഇതിന്റെ ഭാ​ഗമായി എല്ലാ വാർഡുകളിലും ജനകീയ സമിതി രൂപികരിക്കും.

മാർച്ച് 20, 21, 22 തിയ്യതികളിൽ വാർഡുകളിൽ ജനകീയ സമിതി രൂപികരണ യോഗങ്ങൾ ചേരാൻ കൺവെൻഷനിൽ തീരുമാനമായി. മാർച്ച് 26 ന് മേപ്പയ്യുർ ടൗണിൽ വൈകുന്നേരം ലഹരി വിരുദ്ധ – മാലിന്യമുക്ത സന്ദേശ റാലി യും പ്രതിജ്ഞയും നടക്കും. ഗ്രാമപഞ്ചായത്ത് പ്രസിഡണ്ട് കെ.ടി.രാജൻ കൺവെൻഷൻ ഉദ്ഘാടനം ചെയ്തു.

ആരോഗ്യ വിദ്യാഭ്യാസ സ്റ്റാൻഡിംഗ് കമ്മിറ്റി ചെയർമാർ ഭാസ്ക്കരൻ കൊഴുക്കല്ലൂർ അദ്ധ്യക്ഷത വഹിച്ചു. ജനപ്രതിനിധികൾ , രാഷ്ട്രിയ, യുവജന , തൊഴിലാളി, കലാ സാംസ്ക്കാരിക സംഘടനാ , വ്യാപാരി വ്യവസായി, കുടുബശ്രീ, വാർഡ് വികസന സമിതി കൺവീനർമാർ , ഉദ്യോഗസ്ഥർ തുടങ്ങിയവർ യോഗത്തിൽ സംബന്ധിച്ചു.

Description: Meppayyur Panchayat is preparing to become drug-free and waste-free