ഗ്രീന്‍ പ്ലേറ്റുകള്‍ ഇനി സുലഭമായി ലഭിക്കും; മേലടി ബ്ലോക്ക് പഞ്ചായത്ത് വനിതാ ഗ്രൂപ്പ് സംരംഭം ഗ്രീന്‍പാം പ്ലേറ്റ്‌സ് നിര്‍മ്മാണ യൂണിറ്റിന് തുടക്കം
പയ്യോളി: മേലടി ബ്ലോക്ക്് പഞ്ചായത്ത് വനിതാ ഗ്രൂപ്പ് സംരംഭത്തിന് തുടക്കം. 2023-24 വാര്‍ഷിക പദ്ധതിയില്‍ ഉള്‍പ്പെടുത്തിയ എസ്.സി വനിതാ ഗ്രൂപ്പ് സംരംഭമായ ഗ്രീന്‍ പ്ലേറ്റ് നിര്‍മ്മാണ യൂണിറ്റിന് ആരംഭം കുറിച്ചിരിക്കുകയാണ്.
വിയ്യംഞ്ചിറ, തുറയൂര്‍ എന്നിവിടങ്ങളില്‍ തുടങ്ങിയ ഗ്രീന്‍ പാം പ്ലെറ്റ്‌സ് നിര്‍മ്മാണ യൂണിറ്റിന്റെ ഉദ്ഘാടനം മേലടി ബ്ലോക്ക പഞ്ചായത്ത് പ്രസിഡണ്ട് സുരേഷ് ചങ്ങാടത്ത് നിര്‍വ്വഹിച്ചു.
തുറയൂര്‍ ഗ്രാമ പഞ്ചായത്ത് പ്രസിഡന്റ് സി.കെ ഗിരിഷ് അധ്യക്ഷത വഹിച്ച ചടങ്ങില്‍ മേലടി ബ്ലോക്ക് പഞ്ചായത്ത് വൈസ് പ്രസിഡന്റ് പി. പ്രസന്ന, സ്റ്റാന്റിങ് കമ്മിറ്റി അധ്യക്ഷന്‍മാരയ എം.എം രവീന്ദ്രന്‍, മഞ്ഞക്കുളം നാരായണന്‍, ബ്ലോക്ക് പഞ്ചായത്ത് മെമ്പര്‍ അഷീദ നടുക്കാട്ടില്‍ വി.കെ സുധീഷ് കുമാര്‍ (വ്യവസായ വികസന ഓഫിസര്‍ ) എന്നിവര്‍ സംസാരിച്ചു.