മൂടാടിയിൽ വൻഅപകടം; ബസ്സും ക്രൂയിസറും കാറും ബൈക്കും കൂട്ടിയിടിച്ച് നിരവധി പേർക്ക് പരിക്ക്
മൂടാടി: ദേശീയ പാതയിൽ മൂടാടിയിലുണ്ടായ വാഹനാപകടത്തിൽ നിരവധി പേർക്ക്. കെ.എസ്.ആർ.ടി.സി ബസ്സും, ട്രാവലറും, കാറും, ബൈക്കുമാണ് അപകടത്തിൽപ്പെട്ടത്. ഇന്ന് വെെകീട്ട് നാലെ മുക്കാലോടെയാണ് അപകടം നടന്നത്.
കോഴിക്കോട് ഭാഗത്തുനിന്ന് കല്യാണത്തിൽ പങ്കെടുത്ത് മടങ്ങുകയായിരുന്ന കാറാണ് അപകടത്തിൽ പെട്ടതെന്നാണ് ലഭിക്കുന്ന വിവരം. അപകടത്തിൽ പരിക്കേറ്റവരെ ഉടനെ അടുത്തുള്ള ആശുപത്രിയിലേക്കും കൊയിലാണ്ടി ഗവ. താലൂക്ക് ആശുപത്രിയിലേക്കും മാറ്റി.
കോഴിക്കോട് ഭാഗത്തുനിന്നും വടകര ഭാഗത്തേക്ക് പോവുകയായിരുന്ന കാറും കെ.എസ്.ആർ.ടി.സി ബസും കോയിലാണ്ടി ഭാഗത്തേക്ക് പോവുകയായിരുന്ന ക്രൂയിസറും ബെെക്കുമാണ് അപകടത്തിൽ പെട്ടത്. അപകടത്തെ തുടർന്ന് ദേശീയപാതായിൽ ഗതാഗത തടസം നേരിട്ടിരുന്നു.
Summary: Major accident in Moodadi. A bus, a traveler, a car and a bike collided and several people were injured