നന്തി മേല്‍പാലത്തില്‍ രണ്ട് ലോറികള്‍ കുടുങ്ങി; ദേശീയപാതയില്‍ വന്‍ഗതാഗതക്കുരുക്ക്
കൊയിലാണ്ടി: നന്തി മേല്‍പ്പാലത്തില്‍ രണ്ട് ചരക്ക് ലോറികള്‍ കുടുങ്ങി. ഇന്ന് രാവിലെ എട്ടുമണിയോടെയാണ് സംഭവം.
കോഴിക്കോടുനിന്നും കണ്ണൂര്‍ ഭാഗത്തേക്ക് പോകുന്ന ചരക്ക് ലോറി പാലത്തിന്റെ കയറ്റത്തില്‍വെച്ച് ബ്രേക്ക് ഡൗണ്‍ ആകുകയായിരുന്നു. ഇതോടെ തൊട്ടുപിന്നാലെയുണ്ടായിരുന്ന മറ്റൊരു ചരക്ക് ലോറിയ്ക്ക് കയറ്റം കറയാന്‍ പറ്റാത്ത അവസ്ഥയായി നിന്നുപോകുകയായിരുന്നു. ഇതേത്തുടര്‍ന്ന് ദേശീയപാതയില്‍ ഗതാഗതം തടസപ്പെട്ടു.
പാലത്തില്‍ ലോറികള്‍ നിന്നുപോകുന്ന സംഭവങ്ങള്‍ അടുത്തിടെയായി ആവര്‍ത്തിക്കുകയാണ്. ഇത് ദേശീയപാതയില്‍ ഏറെ നേരം ഗതാഗതക്കുരുക്ക് സൃഷ്ടിക്കുന്നുണ്ട്.