നിയമസഭയില്‍ നടന്നത് യു.ഡി.എഫിന്റെ അക്രമ സമരം; പ്രതിഷേധവുമായി എല്‍.ഡി.എഫ് കൊയിലാണ്ടി മണ്ഡലം കമ്മിറ്റി
കൊയിലാണ്ടി: കേരള നിയമസഭയില്‍ യു.ഡി.എഫ് നടത്തിയ അക്രമ സമരത്തില്‍ പ്രതിഷേധിച്ച് എല്‍.ഡി.എഫ് കൊയിലാണ്ടി മണ്ഡലം കമ്മറ്റി പ്രതിഷേധ പ്രകടനം നടത്തി. കെ.കെ.മുഹമ്മദ്, പി.വിശ്വന്‍, കെ.ദാസന്‍, എം.പി.ഷിബു, ഇ.കെ.അജിത്ത്, എസ്.സുനില്‍ മോഹന്‍, കെ.ശിവാനന്ദന്‍, രാമചന്ദ്രന്‍ കുയ്യണ്ടി, സി.സത്യചന്ദ്രന്‍, സുരേഷ് മേലേപ്പുറത്ത്, ഇസ്മയില്‍ തുടങ്ങിയവരുടെ നേതൃത്വത്തിലായിരുന്നു പ്രതിഷേധം.
അടിയന്തിരപ്രമേയ നോട്ടീസ് തുടര്‍ച്ചയായി നിരാകരിച്ചതിനെതിരെ സ്പീക്കറുടെ ഓഫീസ് ഉപരോധിക്കുന്നതിനിടെ നിയമസഭയിലുണ്ടായ സംഘര്‍ഷവുമായി ബന്ധപ്പെട്ടായിരുന്നു പ്രതിഷേധം.
സ്പീക്കര്‍ക്ക് എതിരെ പ്രതിഷേധത്തിന് എത്തിയ പ്രതിപക്ഷവും വാച്ച് ആന്റ് വാര്‍ഡും തമ്മില്‍ സംഘര്‍ഷമുണ്ടാവുകയായിരുന്നു. ഭരണപക്ഷ എംഎല്‍എമാരും അവരുടെ പി.എമാരും ആക്രമികച്ചതായി പ്രതിപക്ഷം പരാതിപ്പെട്ടിരുന്നു. സംഘര്‍ഷത്തില്‍ കെ.കെ.രമ, സനീഷ് കുമാര്‍ ജോസഫ് എന്നീ എം.എല്‍.എമാര്‍ക്കും വനിതകളടക്കം 8 വാച്ച് ആന്റ് വാര്‍ഡിനും പരിക്കേറ്റു. അതേസമയം വാച്ച് ആന്റ് വാര്‍ഡുകള്‍ ആരെയും അക്രമിച്ചിട്ടില്ലെന്നും അവരുടെ ഡ്യൂട്ടി നിര്‍ഹിക്കുക മാത്രമാണ് ചെയ്തതെന്നുമാണ് ഭരണപക്ഷ നിലപാട്.