കൊയിലാണ്ടി: തിരുവങ്ങരില്‍ കെ.എസ്.ആര്‍.ടി.സി ബസ് ഡിവൈഡറില്‍ ഇടിച്ചുകയറി അപകടം. ഇന്ന് പുലര്‍ച്ചെയാണ് സംഭവം. തിരുവങ്ങൂരില്‍ കോഴിക്കോട് ഭാഗത്തേയ്്ക്ക് പോവുന്ന സര്‍വ്വീസ് റോഡിലാണ് അപകടം നടന്നത്. മൂകാംബികയില്‍ നിന്നും വരുന്ന കെ.എസ് ആര്‍.ടിസി സ്വിഫ്റ്റ് ബസ്സാണ് അപകടത്തില്‍പ്പെട്ടത്.

അപകടത്തില്‍ ഡ്രൈവര്‍ക്ക് നിസ്സാനരമായി പരിക്കേറ്റു. യാത്രക്കാര്‍ക്ക് ഗുരുതരമായി പരിക്കേറ്റിട്ടില്ലെന്നാണ് ലഭിക്കുന്ന വിവരം. അപകടത്തില്‍ ബസ്സിന്റെ മുന്‍വശം പൂര്‍ണ്ണമായും തകര്‍ന്നിട്ടുണ്ട്. ഫയര്‍ഫോഴ്‌സും പോലീസും സംഭവ സ്ഥലത്തെത്തി ഗതാഗതം നിയന്ത്രിച്ചു.