കൊയിലാണ്ടി: രണ്ടു കിലോ കഞ്ചാവുമായി കൊയിലാണ്ടി സ്വദേശി വയനാട്ടില്‍ പിടിയില്‍. ചെങ്ങോട്ടുകാവ് മേലൂര്‍ മോനു എന്ന പി.പി.അശ്വന്ത് (21) ആണ് പിടിയിലായത്. സംഭവസ്ഥലത്ത് നിന്നും ഓടി രക്ഷപ്പെട്ട കൊയിലാണ്ടി മേലൂര്‍ വിഷ്ണു (25)നുവേണ്ടി അന്വേഷണം പുരോഗമിക്കുകയാണ്.

കഞ്ചാവ് കടത്ത് സംബന്ധിച്ച രഹസ്യവിവരത്തെ തുടര്‍ന്ന് വയനാട് ജില്ലാ പൊലീസ് മേധാവിയുടെ കീഴില്‍ പ്രവര്‍ത്തിക്കുന്ന ആന്റിനാര്‍ക്കോട്ടിക് പൊലീസ് സേനാംഗങ്ങളും പുല്‍പ്പള്ളി പൊലീസ് ഇന്‍സ്‌പെക്ടര്‍ ആനന്ദകൃഷ്ണനും സംഘവും നടത്തിയ തെരച്ചിലിലാണ് പ്രതി പിടിയിലായത്. ഇന്നലെ രാത്രി പെരിക്കല്ലൂരില്‍ വെച്ച് ബൈക്കില്‍ സഞ്ചരിക്കവെയാണ് ഇവരെ പിടികൂടിയത്.

ഇവരില്‍ നിന്നും 1.928 കിലോഗ്രാം കഞ്ചാവ് പിടിച്ചെടുത്തു. പ്രതികള്‍ക്കെതിരെ എന്‍.ഡി.പി.എസ് നിയമത്തിലെ 20ബി (2എ) പ്രകാരം കേസ് രജിസ്റ്റര്‍ ചെയ്തതായി പുല്‍പ്പള്ളി പൊലീസ് കൊയിലാണ്ടി ന്യൂസ് ഡോട് കോമിനോടു പറഞ്ഞു.