‘എന്ത് മിടുക്കികൾ ആണ് കുഞ്ഞുങ്ങളെ നിങ്ങൾ’; സ്വാഗത ഗാനാലാപനത്തിന് ആന്തട്ട ഗവ.യു.പി സ്കൂളിലെ കുട്ടികൾക്ക് പ്രശംസയുമായി മന്ത്രി വി.ശിവൻകുട്ടി, വീഡിയോ കാണാം
കൊയിലാണ്ടി: എന്ത് മിടുക്കികൾ ആണ് കുഞ്ഞുങ്ങളെ നിങ്ങൾ, ആന്തട്ട ഗവ.യു.പി സ്കൂളിലെ കുട്ടികൾക്ക് അഭിനന്ദനവുമായി വിദ്യാഭ്യാസവകുപ്പ് മന്ത്രി വി.ശിവൻകുട്ടി. സ്കൂളിന്റെ പുതിയ കെട്ടിടോദ്ഘാടന ചടങ്ങിൽ ആലപിച്ച സ്വാഗത ഗാനമാണ് മന്ത്രിയുടെ പ്രശംസ പിടിച്ചുപറ്റിയത്. ഒരേ നിറത്തിലുള്ള വസ്ത്രം ധരിച്ച് അവർ ഒരേ സ്വരത്തിൽ പാടിയപ്പോൾ കേട്ടവരെല്ലാം ആസ്വാദന ലഹരിയിലമർന്നു. ആശംസയുമായി മന്ത്രിയുമെത്തിയതോടെ കുട്ടികളും അധ്യാപകരുമെല്ലാം ഏറെ സന്തോഷത്തിലാണ്.
ആരാമത്തിലെ പൂവുകൾ ഞങ്ങൾക്ക് ആനന്ദദായകമീസുദിനം എന്ന് തുടങ്ങുന്ന ഗാനമാണ് കുട്ടികൾ ആലപിച്ചത്. ഫേസ്ബുക്ക് പോസറ്റിൽ ഗാനാലാപനത്തിന്റെ വീഡിയോ പങ്കുവെച്ചാണ് മന്ത്രി വിദ്യാർത്ഥികളെ പ്രശംസിച്ചത്. പ്രേംരാജ് പാലക്കാട് ആണ് ഗാനം ചിട്ടപ്പെടുത്തിയത്.
”എന്ത് മിടുക്കികൾ ആണ് കുഞ്ഞുങ്ങളെ നിങ്ങൾ. ഈ സ്വാഗത ഗാനം കേട്ട് സന്തോഷത്താൽ കണ്ണ് നനഞ്ഞു.. ഒരുപാട് ഇഷ്ടം… സ്നേഹം.. ❤️
കൊയിലാണ്ടി ഗവൺമെന്റ് യുപി സ്കൂൾ ആന്തട്ടയിലെ കുഞ്ഞുങ്ങളുടെ പ്രതിഭയെ കണ്ടും കേട്ടും അറിയുക..”. – മന്ത്രി ഫേസ്ബുക്കിൽ കുറിച്ചു.
Also Read- പഠനം ഇനി കൂടുതൽ സ്മാർട്ടാകും; ആധുനിക സൗകര്യങ്ങളുമായി ആന്തട്ട ഗവ.യു.പി സ്കൂളിന്റെ പുതിയ കെട്ടിടം
കിഫ്ബി ധനസഹായത്തോടെ സംസ്ഥാന തീരദേശ വികസന കോർപ്പറേഷനാണ് കെട്ടിടം നിർമ്മിച്ചത്. തീരദേശ ജില്ലകളിലെ തിരഞ്ഞെടുക്കപ്പെട്ട 57 വിദ്യാലയങ്ങൾ വികസിപ്പിക്കുന്നതിന്റെ ഭാഗമായാണ് 92.69 ലക്ഷം രൂപ അടങ്കൽ തുകയിൽ ആധുനിക കെട്ടിടം പണിതത്.