മാലിന്യം വേര്‍തിരിക്കുന്ന രീതിയെക്കുറിച്ച് കുട്ടികള്‍ക്ക് ബോധവല്‍ക്കരണം നല്‍കി; ശിശുദിനത്തില്‍ ഹരിത കര്‍മ്മ സേനാംഗങ്ങളെ ആദരിച്ച് കൊല്ലം യു.പി സ്‌കൂള്‍
കൊല്ലം: കൊല്ലം യു.പി സ്‌കൂളില്‍ ശിശുദിന ആഘോഷത്തിന്റെ ഭാഗമായി ഹരിത കര്‍മ്മ സേനാംഗങ്ങളെ ആദരിച്ചു.
മാലിന്യ പ്രശ്‌നങ്ങളെയും മാലിന്യം വേര്‍തിരിക്കുന്ന രീതിയെ കുറിച്ചും കുട്ടികള്‍ക്ക് ബോധവല്‍ക്കരണം നടത്തി.
സ്‌കൂള്‍ ലീഡര്‍ യാദവ് നാഥ്.ടി.കെ , സ്‌കൂള്‍ ഹരിത വിദ്യാലയം സ്റ്റുഡന്റ് കോഡിനേറ്റര്‍ ദേവ തീര്‍ത്ഥ എന്നിവര്‍ ഹരിത കര്‍മ്മ സേനാംഗങ്ങളായ തങ്ക.കെ.വി, ശ്രീജ.എ.കെ എന്നിവരെ പൊന്നാട അണിയിച്ച് ആദരിച്ചു. ചാച്ചാജി യുടെ ലഘു ജീവചരിത്രം വിദ്യാര്‍ത്ഥിനി ആയ ശിവപ്രിയ അവതരിപ്പിച്ചു.
ചടങ്ങില്‍ വിദ്യാര്‍ത്ഥികള്‍ മാലിന്യ മുക്ത പ്രതിഞ്ജ എടുത്തു. ഹെഡ്മിസ്ട്രസ്സ് ജിസ്‌ന.എം, ആര്യ ചന്ദന എന്നിവര്‍ നേതൃത്വം നല്‍കി.