തായമ്പക, കേളികൈ, പള്ളിവേട്ട തുടങ്ങി ആഘോഷങ്ങള്‍ക്ക് തുടക്കം; കൊല്ലം ശ്രീ അനന്തപുരം മഹാവിഷ്ണു ക്ഷേത്രം ആറാട്ട് മഹോത്സവത്തിന്റെ ബ്രോഷര്‍ പ്രകാശനം ചെയ്തു
കൊയിലാണ്ടി: കൊല്ലം ശ്രീ അനന്തപുരം മഹാവിഷ്ണു ക്ഷേത്രം ആറാട്ട് മഹോത്സവത്തിന്റെ ബ്രോഷര്‍ പ്രകാശനം ചെയ്തു.
പിഷാരി കാവ് ദേവസ്വം ട്രസ്റ്റി ബോര്‍ഡ് ചെയര്‍മാന്‍ ശ്രീ ഇളയെടുത്ത് വേണുഗോപാലന്‍നായര്‍ക്ക് നല്‍കി അനന്തപുരം ക്ഷേത്ര പരിപാലന സമിതി പ്രസിഡണ്ട് ഇ എസ് രാജന്‍ ബ്രോഷര്‍ പ്രകാശനം ചെയ്തു.
ജനുവരി 20 ന് ശുദ്ധി 21 ന് ദ്രവ്യ കലശം 22 ന് വൈകീട്ട് ക്ഷേത്രം തന്ത്രി ബ്രഹ്‌മശ്രീ മേപ്പള്ളി മന ഉണ്ണികൃഷ്ണന്റെ മുഖ്യകാര്‍മ്മികത്വത്തില്‍ കൊടിയേറ്റം നടക്കും. ജനുവരി 28ന് പള്ളിവേട്ടയും 29ന് ആറാട്ടും നടക്കും.
അന്നേ ദിവസം ഉച്ചയ്ക്ക് 12 മണി മുതല്‍ 2 മണി വരെ ആറാട്ടുസദ്യയും ഉണ്ടായിരിക്കും.
പരിപാലന സമിതി ഭാരവാഹികളായി ഇ.എസ് രാജന്‍ (പ്രസിഡണ്ട്)സജി തെക്കയില്‍ (ജനറല്‍ സെക്രട്ടറി) വി.കെ ശിവദാസന്‍ ലീലകോറുവീട്ടില്‍ വൈസ് പ്രസിഡണ്ടുമാര്‍ വേണു ഇ ,പികെ ബാലകൃഷ്ണന്‍ എന്നിവര്‍ സെക്രട്ടറിമാര്‍ സന്തോഷ് വിളിയില്‍ ടഷറര്‍ എന്നിവരെ തിരഞ്ഞെടുത്തു.
ഉത്തവാരംഭദിവസം മുതല്‍ ക്ഷേത്ര ചടങ്ങുകളായ തായമ്പക കേളികൈ കൊമ്പ്കുഴല്‍പ്പറ്റ് എന്നിവ ഉണ്ടായിരിക്കുമെന്നും ഭക്തജനങ്ങളുടെ പരിപൂര്‍ണ്ണ സഹായ സഹകരണങ്ങള്‍ ഉത്സവം നടത്തി പ്പിനും മറ്റും ഉണ്ടാവണമെന്നും ഭാരവാഹികള്‍ ആവശ്യപ്പെട്ടു. ചടങ്ങില്‍ സജി തെക്കയില്‍, ലീല കോറുവീട്ടില്‍, വി.കെ ശിവദാസന്‍, സന്തോഷ് വാളിയില്‍, സുര ‘ചിറക്കല്‍ ശ്രീജിത്ത് കൃഷ്ണന്‍ എന്‍.കെ സദാനന്ദന്‍ ബാലന്‍ നായര്‍ വി.കെ ശാരദ എന്നിവര്‍ പങ്കെടുത്തു.