കൊയിലാണ്ടിയില്‍ ആഘോഷങ്ങള്‍ക്ക് തിരിതെളിഞ്ഞു; കോംകോസ് ഫെസ്റ്റിന് ഇന്ന് തുടക്കം
കൊയിലാണ്ടി: മള്‍ട്ടി പര്‍പ്പസ്സ് കോ-ഓപ്പറേറ്റീവ് സൊസൈറ്റി(കോംകോസ്) ഒരുക്കുന്ന കൊയിലാണ്ടി ഫെസ്റ്റ് ആരംഭിച്ചു. ഫെസ്റ്റ് നഗരസഭ അധ്യക്ഷ സുധ കിഴക്കെപ്പാട്ട് ഉദ്ഘാടനം ചെയ്തു. കൊയിലാണ്ടി റെയില്‍വേ മേല്‍പ്പാലത്തിന് കിഴക്ക് മുത്താമ്പി റോഡിന് വശത്തായി ആരംഭിച്ച ഫെസ്റ്റ് ഉച്ചക്ക് 3 മണി മുതല്‍ രാത്രി 9-30 വരെയാണ് പ്രദര്‍ശന സമയം.
പന്തലായനി ബ്ലോക്ക് പഞ്ചായത്ത് പ്രസിഡന്റ് പി.ബാബുരാജ് അധ്യക്ഷത വഹിച്ച ചടങ്ങില്‍ ചേമഞ്ചേരി ഗ്രാമ പഞ്ചായത്ത് പ്രസിഡന്റ് സതി കിഴക്കയില്‍, നഗരസഭ ഉപാധ്യക്ഷന്‍ കെ. സത്യന്‍, കെ. ഷിജു, ഇ.കെ. അജിത്ത്, പി. രത്‌നവലി, വി.പി. ഇബ്രാഹിംകുട്ടി, പി. വിശ്വന്‍, കെ. ദാസന്‍, എസ് സുനില്‍ മോഹന്‍, കെ. വിജയന്‍, എ. ലളിത, കോമത്ത് വത്സന്‍, സി.കെ മനോജ്, എം. ബാലകൃഷ്ണന്‍ എന്നിവര്‍ സംസാരിച്ചു.