ഗ്രന്ഥാവലോകനവും സാംസ്‌ക്കാരിക സദസ്സും സംഘടിപ്പിച്ച് കൊയിലാണ്ടി പബ്ലിക് ലൈബ്രറി
കൊയിലാണ്ടി: കൊയിലാണ്ടി പബ്ലിക് ലൈബ്രറിയുടെ ആഭിമുഖ്യത്തില്‍ സാംസ്‌കാരിക സദസ്സും’ ഗ്രന്ഥാവലോകനവും നടത്തി. മേലൂര്‍ കരുണാകരന്‍ കലാ മംഗലത്തിന്റെ പെയ്യാതെ പോകുന്ന പ്രണയമേഘങ്ങളെ, എന്ന കവിതാ സമാഹാരവും മിഴിനീര്‍ പൂക്കള്‍ എന്ന കഥാസമാഹാരവും സദസ്സില്‍ ചര്‍ച്ച ചെയ്തു.
സാംസ്‌ക്കാരിക സദസ്സിന്റെ ഉദ്്ഘാടനം കവിയത്രി പി.വി ഷൈമ നിര്‍വ്വഹിച്ചു. ചേനോത്ത് ഭാസ്‌കരന്‍ അധ്യക്ഷത വഹിച്ച ചടങ്ങില്‍ ദേശാഭിമാനി വാരിക സീനിയര്‍ സബ്ബ് എഡിറ്റര്‍ എ.സുരേഷ് ഗ്രന്ഥാവലോകനം നടത്തി.
മുചുകുന്ന് ഭാസ്‌കരന്‍, സി.രവീന്ദ്രന്‍, ബിജേഷ് ഉപ്പാലക്കല്‍, മധു മാസ്റ്റര്‍ കിഴക്കയില്‍, ശിവരാമന്‍ കൊണ്ടം വള്ളി, കെ.ടി.ഗംഗാധരന്‍, സത്യചന്ദ്രന്‍ പൊയില്‍ക്കാവ്, ശശിധരന്‍ തിക്കോടി, കെ.കെ.നാരായണന്‍ മാസ്റ്റര്‍, പി.രവീന്ദ്രന്‍ എന്നിവര്‍ സദസ്സില്‍ സംസാരിച്ചു. രവീന്ദ്രന്‍ ചേളന്നൂര്‍ കവിത ആലപിച്ചു. കരുണാകരന്‍ കലാമംഗലം മറുപടി പ്രസംഗം നടത്തി.