അന്താരാഷ്ട്ര മാരത്തോണ്‍ പ്രതിഭ നൗഫലിന് ജന്മനാട്ടില്‍ ഉജ്ജ്വല വരവേല്‍പ്പ് നല്‍കി കോടിക്കല്‍ പൗരാവലി
തിക്കോടി: അള്‍ട്രമാരത്തോണില്‍ അന്തരാഷ്ട്ര പ്രതിഭയായി ഇന്ത്യയില്‍ ഒന്നാമനായ ടി.പി നൗഫലിന് ഉജ്ജ്വല വരവേല്‍പ്പ് നല്‍കി ജന്മനാട്. കോടിക്കല്‍ പൗരാവലി സംഘടിപ്പിച്ച പരിപാടിയില്‍ നിരവധി ജനങ്ങള്‍ പങ്കെടുത്തു. ജില്ലാ പഞ്ചായത്ത് മെമ്പര്‍ വി.പി ദുല്‍ഖിഫില്‍ പരിപാടി ഉദ്ഘാടനം ചെയ്തു.
മജീദ് മന്നത്ത് അധ്യക്ഷത വഹിച്ച ചടങ്ങില്‍ കെ.പി ഷക്കീല, പി. ഇന്‍ഷിദ, പി.കെ ഹുസൈന്‍ ഹാജി, കൊളരാട്ടില്‍ റഷീദ്, സുധാകരന്‍ കയ്യാടത്ത്, കാളിയേരി മൊയ്തു, നസീര്‍ മാസ്റ്റര്‍, പി.വി ഹഫ്‌സല്‍, ദിവാകരന്‍ കയ്യാടത്ത്, വി.കെ ഇസ്മായില്‍ എന്നിവര്‍ സംസാരിച്ചു.
ടി.പി നൗഫല്‍ മറുപടി പ്രസംഗം നടത്തി. പി.കെ മുഹമ്മദലി സ്വാഗതവും കുന്നുമ്മല്‍ ബഷീര്‍ നന്ദിയും പറഞ്ഞു. കുന്നുമ്മല്‍ താഴെയില്‍ ആരംഭിച്ച ഘോഷയാത്ര കോടിക്കലില്‍ സമാപിച്ചു.
