കൊയിലാണ്ടി: കേരള വ്യാപാരി വ്യവസായി ഏകോപന സമിതി കൊയിലാണ്ടി യുനിറ്റ്‌ ജനറൽ ബോഡി യോഗവും 2024-26 വർഷത്തെ ഭരണ സമിതി തിരഞ്ഞെടുപ്പും നടത്തി. യോഗത്തിൽ യൂണിറ്റ് പ്രസിഡന്റ് കെ എം രാജീവൻ അധ്യക്ഷത വഹിച്ചു. ജില്ലാ സെക്രട്ടറി മനാഫ് കാപ്പാട് ഉദ്ഘടനം ചെയ്തു.

ജില്ലാ വൈസ് പ്രസിഡണ്ട് മണിയോത് മൂസ മുഖ്യ പ്രഭാഷണം നടത്തി. ജില്ലാ സെക്രട്ടറി കെ ടി വിനോദൻ, മണ്ഡലം പ്രസിഡണ്ട് സുകുമാരൻ തുടങ്ങിയവർ തിരഞ്ഞെടുപ്പിനു നേതൃത്വം നൽകി. ടി പി ഇസ്മായിൽ പ്രമേയം അവതരിപ്പിച്ചു. യൂണിറ്റ് ജനറൽ സെക്രട്ടറി ഫാറൂഖ് സ്വാഗതവും വൈസ് പ്രസിഡണ്ട് റിയാസ് അബൂബക്കർ റിപ്പോർട്ടും ട്രഷറർ ഷഹീർ ഗ്യാലക്സി വരവ് ചിലവ് കണക്കും അവതരിപ്പിച്ചു.

കൊയിലാണ്ടി അങ്ങാടിയിലെ കച്ചവടക്കാരുടെ കടയുടെ മുന്നിൽ സഞ്ചാര സ്വാതന്ത്രം തടഞ്ഞു കൊണ്ട് നിർമിച്ച പൈപ്പ് വേലി കാരണം കടയിലേക്ക് ആരും കയറുന്നില്ല, കച്ചവടവുമില്ല, ഉപജീവനം കഷ്ടത്തിലാണ്. ബന്ധപ്പെട്ട അധികൃതർ എത്രയും വേഗം ഈ വേലി പൊളിച്ചു മാറ്റി സഞ്ചാര സ്വാതന്ത്രവും കച്ചവടം നടത്താനുള്ള സാഹചര്യവും പുനഃസ്ഥാപിക്കണമെന്നും കേരള വ്യാപാരി വ്യവസായി ഏകോപന സമിതി. ആവശ്യപ്പെട്ടു.

മുതിർന്ന കച്ചവക്കാരായ ചന്ദ്രൻ നായർ, ബാലകൃഷ്ണൻ സുദാമൃതം, പി പി അഹമ്മദ് എന്നിവരെ ചടങ്ങിൽ ആദരിച്ചു. സത്യസന്തതക്കുള്ള അവാർഡ് ഷാജു മിൽമ ബൂത്തിനും സമ്മാനിച്ചു. പ്ലസ്‌ടു പരീക്ഷയിൽ റെക്കോർഡ് വിജയം നേടിയ ഫാഹിം മുഹമ്മദ് ഫാറൂഖിനും ഉന്നതവിജയം നേടിയ ജാബിർ ജലീൽ മൂസക്കും എക്സെലനസ് അവാർഡ് നൽകി.

പുതിയ ഭാരവാഹികളായി കെ എം രാജീവൻ (പ്രസിഡണ്ട്), കെ കെ ഫാറൂഖ് (ജനറൽ സെക്രട്ടറി), ഷഹീർ ഗ്യാലക്സി (ട്രഷറർ) എന്നിവരെയും തിരഞ്ഞെടുത്തു. വൈസ് പ്രസിഡണ്ടുമാരായി റിയാസ് അബൂബക്കർ, സി കെ ലാലു, പ്രബീഷ് കുമാർ കെ, ജലീൽ മൂസ, സുഹൈൽ കെ എം, സൗമിനി മോഹൻദാസ്, വി പി ലത്തീഫ് എന്നിവരെയും സെക്രട്ടറിമാരായി ടി പി ഇസ്മായിൽ, ഗിരീഷ് ഗിരികല, വി കെ ഹാരിഫ്, ഷീബ ശിവാനന്ദൻ ,ജെ കെ ഹാഷി, സൈദ് മലബാർ മൊബൈൽ, ഷൗക്കത് അലി, രക്ഷാധികാരി മണിയൊത്ത്‌ മൂസ എന്നിവരെയും തിരഞ്ഞെടുത്തു.