കേരള സ്റ്റേറ്റ് ലൈബ്രറി കൗണ്‍സിലിന്റെ അഖിലകേരള വായനോത്സവം; താലൂക്ക് തല മത്സരം നടന്നു
കൊയിലാണ്ടി: കേരള സ്റ്റേറ്റ് ലൈബ്രറി കൗണ്‍സില്‍ സംഘടിപ്പിക്കുന്ന അഖിലകേരള വായനോത്സവം താലൂക്ക് തല മല്‍സരം സംഘടിപ്പിച്ചു. കൊയിലാണ്ടി വൊക്കേഷണല്‍ ഹയര്‍ സെക്കന്‍ഡറി സ്‌കൂളില്‍ നടന്ന പരിപാടി കൊയിലാണ്ടി മുനിസിപ്പാലിറ്റി പൊതുമരാമത്ത് സ്റ്റാന്റിങ്ങ് കമ്മിറ്റി ചെയര്‍മാന്‍ ഇ.കെ അജിത്ത് പരിപാടി ഉദ്ഘാടനം ചെയ്തു.
വൈസ് പ്രസിഡണ്ട് കെ.പി രാധാകൃഷ്ണന്‍ അധ്യക്ഷത വഹിച്ച ചടങ്ങില്‍ ഹൈസ്‌കൂള്‍ തലത്തില്‍ നടത്തിയ വായനാ മത്സരങ്ങളില്‍ വിജയിച്ച ഒന്ന് രണ്ട് മൂന്ന് സ്ഥാനക്കാരും ലൈബ്രറി തലത്തില്‍ മുതിര്‍ന്നവരില്‍ ജൂനിയര്‍ സീനിയര്‍ വിഭാഗക്കാരില്‍ ഒന്നാം സ്ഥാനക്കാരുമാണ് പങ്കെടുത്തത്. മത്സരങ്ങളില്‍ വിജയിക്കുന്ന ഒന്നു മുതല്‍ 10 വരെ സ്ഥാനക്കാര്‍ ജനുവരി 19ന് നടക്കുന്ന ജില്ലാ വായനോത്സവത്തില്‍ പങ്കെടുക്കണമെന്ന് യോഗത്തില്‍ അറിയിച്ചു.
മത്സരങ്ങള്‍ക്ക് പി. ശ്രീജിത്ത് മാസ്റ്റര്‍ നേതൃത്വം നല്‍കി. താലൂക്ക് സെക്രട്ടറി കെ.വി രാജന്‍ സ്വാഗതവും എന്‍.വി ബാലന്‍ എ.എ സുപ്രഭ എന്നിവര്‍ സംസാരിച്ചു. എന്‍. ആലി നന്ദിയും പറഞ്ഞു.