കേരള ഗവണ്‍മെന്റ് ഹോസ്പിറ്റല്‍ ഡവലപ്പ്‌മെന്റ് സൊസൈറ്റി എംപ്ലോയീസ് യൂണിയന്‍ ജില്ലാ കമ്മിറ്റിക്ക് പുതിയ ഭാരവാഹികള്‍
കൊയിലാണ്ടി: കേരള ഗവണ്‍മെന്റ് ഹോസ്പിറ്റല്‍ ഡെവലപ്‌മെന്റ് സൊസൈറ്റി എംപ്ലോയീസ് യൂണിയന്‍ സി.ഐ.ടി.യു കോഴിക്കോട് ജില്ലാ സമ്മേളനം ലിനി സിസ്റ്റര്‍ നഗര്‍ കൊയിലാണ്ടി ഇ.എം.എസ് ടൗണ്‍ ഹാളില്‍ നടന്നു. സി.ഐ.ടി.യു സംസ്ഥാന വൈസ് പ്രസിഡണ്ട് ടി.പി.രാമകൃഷ്ണന്‍ എം.എല്‍.എ സമ്മേളനം ഉദ്ഘാടനം ചെയ്തു. യൂണിയന്‍ ജില്ലാ പ്രസിഡണ്ട് എം.ധര്‍മ്മജന്‍ പതാക ഉയര്‍ത്തി.
യൂണിയന്‍ സംസ്ഥാന പ്രസിഡണ്ട് അഡ്വക്കറ്റ് എ പ്രദീപ്കുമാര്‍ സി.ഐ.ടി.യു ജില്ലാ കമ്മിറ്റി അംഗങ്ങളായ കെ.ദാസന്‍ പത്മനാഭന്‍ ഡി.വൈ.എഫ്.ഐ ജില്ലാ പ്രസിഡണ്ട് എല്‍.ജി ലിജീഷ്, കൊയിലാണ്ടി ഏരിയ സെക്രട്ടറി കെ.ചന്ദ്രന്‍ എന്നിവര്‍ സമ്മേളനത്തെ അഭിവാദ്യം ചെയ്തു. സംസ്ഥാന ജനറല്‍ സെക്രട്ടറി കെ.എസ്.സുനില്‍കുമാര്‍ സംഘടനാ റിപ്പോര്‍ട്ടും ജില്ലാ സെക്രട്ടറി സുരേഷ് കുമാര്‍ പ്രവര്‍ത്തന റിപ്പോര്‍ട്ടും അവതരിപ്പിച്ചു. സ്വാഗതസംഘം കണ്‍വീനര്‍ യു.കെ.പവിത്രന്‍ സ്വാഗതം പറഞ്ഞു. ശൈലേഷ് നന്ദി പ്രകടനം നടത്തി.
കോവിഡ് മഹാമാരികാലത്ത് ഊര്‍ജ്ജസ്വലമായ പ്രവര്‍ത്തിച്ച കൊയിലാണ്ടിയിലെ നോഡല്‍ ഓഫീസര്‍ ഓഫീസര്‍ ഡോക്ടര്‍ കെ.സന്ധ്യ കുറുപ്പിന്. ടി.പി.രാമകൃഷ്ണന്‍ ഉപഹാരം നല്‍കി. സ്വാഗതഗാനം ആലപിച്ച ശിവഗംഗ നാഗരാജിന് ടി.പി.രാമകൃഷ്ണന്‍ ഉപഹാരം നല്‍കി.
സമ്മേളനത്തില്‍ വച്ച് പുതിയ ജില്ലാ കമ്മിറ്റിയെ തെരഞ്ഞെടുത്തു. എം.ധര്‍മ്മജനെ പ്രസിഡന്റായും പി.എം സുരേഷ് കുമാറിനെ ജില്ലാ സെക്രട്ടറിയായും തെരഞ്ഞെടുത്തു.
യുകെ പവിത്രന്‍, രഞ്ജിനി, ശബരീഷ് എന്നിവരാണ് വൈസ് പ്രസിഡണ്ടുമാര്‍. സുധീഷ് വി.കെ, വിനീത.കെ.പി, സജേഷ്.കെ എന്നിവരാണ് ജോയിന്‍ സെക്രട്ടറിമാര്‍. എം.വി.വാസുദേവനെ ജില്ലാ ട്രഷററായും തെരഞ്ഞെടുത്തു.
