ഫോക് ലോര്‍ അക്കാദമി യുവപ്രതിഭ പുരസ്‌ക്കാര ജേതാവ് നിധീഷ് പെരുവണ്ണാന് കാവുംവട്ടത്തിന്റെ ആദരം; എല്‍.എസ്.എസ് യു.എസ്.എസ് ജേതാക്കള്‍ക്കും അനുമോദനം
കൊയിലാണ്ടി: കാവുംവട്ടം എം.യു.പി.സ്‌കൂള്‍ എല്‍.എസ്.എസ്, യു.എസ്.എസ് സ്‌കോളര്‍ഷിപ്പ് നേടിയ കുട്ടികളെയും കലോത്സവങ്ങളില്‍ കഴിവു തെളിയിച്ച പ്രതിഭകളെയും അനുമോദിച്ചു. ചടങ്ങില്‍ 2021 ലെ കേരള ഫോക്‌ലോര്‍ അക്കാദമി യുവപ്രതിഭ പുരസ്‌ക്കാര ജേതാവ് നിധീഷ് പെരുവണ്ണാനെ ആദരിച്ചു.
പി.ടി.എ പ്രസിഡന്റ് ഷംസുദ്ദീന്‍ കണ്ണങ്കോട്ട് അദ്ധ്യക്ഷത വഹിച്ച ചടങ്ങ് കൊയിലാണ്ടി മുനിസിപ്പാലിറ്റി ക്ഷേമകാര്യ സ്റ്റാന്റിംഗ് കമ്മറ്റി ചെയര്‍മാന്‍ ഷിജു മാസ്റ്റര്‍ ഉദ്ഘാടനം ചെയ്തു. വാര്‍ഡ് കൗണ്‍സിലര്‍ പി.പി. ഫാസില്‍ സമ്മാനദാനവും യുവ എഴുത്തുകാരി വിനീത മണാട് മുഖ്യപ്രഭാഷണവും നടത്തി.
അബ്ദുള്‍ ജബ്ബാര്‍, സരിത, ഹെഡ്മാസ്റ്റര്‍ കെ.കെ. മനോജ്. സൈജു കെ.ഡി. എന്നിവര്‍ സംസാരിച്ചു.