കൊയിലാണ്ടി: പങ്കാളിത്തം കൊണ്ട് ശ്രദ്ധേയമായി ചേലിയ കഥകളി വിദ്യാലയത്തിലെ പ്രതിഭാ സംഗമം. പ്രശസ്ത സിനിമ – ടെലിവിഷൻ താരം മധുലാൽ കൊയിലാണ്ടി പ്രതിഭകൾക്കുള്ള ഉപഹാര സമർപ്പണവും ഉദ്ഘാടനവും നിര്‍വ്വഹിച്ചു.

ദേശീയ, സംസ്ഥാന, ജില്ലാ, സഹോദയ, സബ്ബ് ജില്ലാ തലങ്ങളിൽ കലാകായിക മത്സരങ്ങളിൽ മികച്ച വിജയം കൈവരിച്ച കഥകളി വിദ്യാലയത്തിലെ 51 വിദ്യാർത്ഥികളെയാണ് പ്രതിഭാ സംഗമത്തിൻ അനുമോദിച്ചത്. കഥകളി വിദ്യാലയം സെക്രട്ടറി സന്തോഷ് സത്ഗമയ സ്വാഗതം പറഞ്ഞു.

വിദ്യാലയം പ്രസിഡണ്ട്‌ ഡോ.എന്‍.വി അദ്ധ്യക്ഷത വഹിച്ചു. കെ.കെ ശങ്കരൻ മാസ്റ്റർ, വിജയരാഘവൻ ചേലിയ, കലാമണ്ഡലം ശിവദാസ്, വി.നാരായണൻ മാസ്റ്റർ എന്നിവർ ആശംസകൾ നേർന്ന് സംസാരിച്ചു. നാരായണൻ ടി, ശശി എന്‍.കെ, അഡ്വ: പ്രശാന്ത്, സുധീഷ് നന്മ, സിനി വൈ എന്നിവർ പരിപാടിയിൽ സംസാരിച്ചു. ജോ:സെക്രട്ടറി പ്രശോഭ് ജി നന്ദി പറഞ്ഞു. തുടര്‍ന്ന്‌ പ്രതിഭകൾ അവതരിപ്പിച്ച കലാപരിപാടികളും അരങ്ങേറി.

Description: Kathakali Vidyalaya is phenomenal as a unique experience