കര്‍ണാടക തെരഞ്ഞെടുപ്പിലെ കോണ്‍ഗ്രസിന്റെ ജയത്തില്‍ ആഹ്ലാദപ്രകടനവുമായി കൊയിലാണ്ടിയിലെ പ്രവര്‍ത്തകരും; നഗരത്തില്‍ യു.ഡി.എഫ് പ്രകടനം നടത്തി
കൊയിലാണ്ടി: കര്‍ണാടക തെരഞ്ഞെടുപ്പില്‍ കോണ്‍ഗ്രസ് വിജയത്തില്‍ ആഹ്ലാദ പ്രകടനവുമായി കൊയിലാണ്ടിയിലെ കോണ്‍ഗ്രസ് പ്രവര്‍ത്തകരും. യു.ഡി.എഫ് നേതൃത്വത്തില്‍ കൊയിലാണ്ടിയില്‍ പ്രകടനം നടത്തി.
മുസ്‌ലിം ലീഗ് ജില്ലാ പ്രസിഡന്റ് കെ.റസാഖ് മാസ്റ്റര്‍, ജില്ലാ ജനറല്‍ സെക്രട്ടറി ടി.ടി.ഇസ്മയില്‍, അഹമ്മദ് പുന്നക്കല്‍, പി.രത്‌നവല്ലി, വി.വി.സുധാകരന്‍, രാജേഷ് കീഴരിയൂര്‍, സി.പി.അസീസ്, റഷീദ് വെങ്ങളം, വി.പി.ഇബ്രാഹിംകുട്ടി, സി.ഹനീഫ, വി.ടി.സുരേന്ദ്രന്‍, രജീഷ് വെങ്ങളത്ത് കണ്ട്, എം.സതീഷ് കുമാര്‍, മഠത്തില്‍ അബ്ദുറഹ്‌മാന്‍ എന്നിവര്‍ നേതൃത്വം നല്‍കി.
കര്‍ണാടക തെരഞ്ഞെടുപ്പില്‍ ബി.ജെ.പിക്ക് കനത്ത തിരിച്ചടി നല്‍കിക്കൊണ്ട് മികച്ച വിജയമാണ് കോണ്‍ഗ്രസ് നേടിയത്. ഡി.കെ.ശിവകുമാര്‍, സിദ്ധരാമയ്യ അടക്കമുള്ള പ്രമുഖര്‍ വന്‍ ഭൂരിപക്ഷത്തില്‍ വിജയിച്ചു. കേവല ഭൂരിപക്ഷമായ 113 പിന്നിട്ട് കോണ്‍ഗ്രസ് വ്യക്തമാക്കി ആധിപത്യം പുലര്‍ത്തി നൂറ്റി മുപ്പതിലേറെ സീറ്റുകളില്‍ ലീഡ് ചെയ്യുകയാണ്.