ഇനി ആറുനാള്‍ ആഘോഷരാവ്‌; കാരയാട് പ്രൊഫഷണല്‍ നാടക രാവിന് നാളെ തിരിതെളിയും
അരിക്കുളം: കാരയാട് സുരക്ഷ പെയിന്‍ ആന്റ് പാലിയേറ്റീവ് കെയറിന്റെ കെട്ടിട നിർമ്മാണ ധനശേഖരണാർത്ഥം സംഘടിപ്പിക്കുന്ന പ്രൊഫഷണല്‍ നാടക രാവിന് നാളെ തിരശ്ശീല ഉയരും. വൈകീട്ട് അഞ്ച് മണിക്ക്‌ വനം വന്യജീവി വകുപ്പ് മന്ത്രി എ.കെ ശശീന്ദ്രന്‍ ഉദ്ഘാടനം ചെയ്യും.
അരിക്കുളം പഞ്ചായത്ത് പ്രസിഡണ്ട്‌ എ.എം സുഗതൻ മാസ്റ്റർ അദ്ധ്യക്ഷത വഹിക്കും. മുൻ കോഴിക്കോട് മേയർ ടി.പി ദാസൻ പങ്കെടുക്കും. തുടര്‍ന്ന് രാത്രി ഏഴ് മണിയ്ക്ക് ‘മിഠായി തെരുവ്’ നാടകം അരങ്ങേറും.
27- രാത്രി ഏഴ് മണിക്ക്‌ – ‘ചിറക്’
28- രാത്രി ഏഴ് മണിക്ക്‌ – ‘മുച്ചീട്ട് കളിക്കാരന്റെ മകള്‍’.
29 – രാത്രി ഏഴ് മണിക്ക്‌ – ‘അപ്പ’.
30 – രാത്രി ഏഴ് മണിക്ക്‌ – ‘ഉത്തമന്റെ സങ്കീര്‍ത്തനം’
31 – രാത്രി ഏഴ് മണിക്ക്‌ കോഴിക്കോട് അനില്‍ദാസ് നയിക്കുന്ന ‘ഗസല്‍ നിലാവ്’ എന്നിവ അരങ്ങേറും.
സമാപന സമ്മേളനം ടി.പി രാമകൃഷ്ണന്‍ എം.എല്‍.എ ഉദ്ഘാടനം ചെയ്യും. സാന്ത്വന പരിചരണ മേഖലയില്‍ കഴിഞ്ഞ മൂന്ന് വര്‍ഷമായി പ്രവര്‍ത്തിച്ചു വരികയാണ് കാരയാട് സുരക്ഷ പെയിന്‍ ആൻ്റ് പാലിയേറ്റീവ് കെയര്‍. ഒട്ടെറേ കിടപ്പു രോഗികള്‍ക്ക് താങ്ങും തണലുമാകാന്‍ ഇതിനിടെ സാധിച്ചിട്ടുണ്ട്. സ്വന്തമായ സ്ഥലവും ആധുനിക സജ്ജീകരണങ്ങളോടെയുമുളള കെട്ടിടവും സജ്ജമാക്കാനാണ് നാടകരാവിലൂടെ സമാഹരിക്കുന്ന തുക വിനിയോഗിക്കുക.
Description: Karayad professional drama night will be launched tomorrow