അരിക്കുളം: അരിക്കുളം കെ.പി.എം.എസ്.എം ഹയർസെക്കന്ററി സ്കൂളിലെ പ്ലസ് വൺ വിദ്യാർത്ഥികൾക്കായി ഇനീസിയാർ ഏകദിന റെസിഡെൻഷ്യൽ ക്യാമ്പ് സംഘടിപ്പിച്ചു. കെ.കെ സുബൈര്‍ ക്യാമ്പ് ഉദ്ഘാടനം ചെയ്തു. ജില്ലാ എംപ്ലോയ്മെന്റ് ഓഫീസർ (സി ഡി സി) പി.രാജീവൻ മുഖ്യാതിഥിയായിരുന്നു.

മാനസികാരോഗ്യം, കരിയർ, അക്കാദമിക് തുടങ്ങിയ മേഖലകളിലായി ആറോളം വിദഗ്ദ്ധർ പങ്കെടുക്കുന്ന ക്യാമ്പ് വെള്ളിയാഴ്ച രാവിലെ സമാപിക്കും. വിദ്യാഭ്യാസ സ്റ്റാന്റിംഗ് കമ്മിറ്റി ചെയർമാൻ നജീഷ് കുമാർ അധ്യക്ഷത വഹിച്ചു.

ക്യാമ്പ് കോർഡിനേറ്റർ എ.എം രേഖ റിപ്പോർട്ട് അവതരിപ്പിച്ചു. പി ടി എ പ്രസിഡണ്ട് ശശി ഊട്ടേരി, എസ്.എസ്ജി. കൺവീനർ എ.കെ.എൻ അടിയോടി, മാനേജ്മെന്റ് പ്രതിനിധി ബീരാൻ ഹാജി, ഹെഡ്മാസ്റ്റർ കെ.പി അബ്ദുറഹ്മാൻ, സ്റ്റാഫ് സെക്രട്ടറി ആർ.കെ നജ്മ എന്നിവർ ആശംസകളറിയിച്ചു. പ്രിൻസിപ്പൾ ഷഫീഖ് അലി സ്വാഗതവും, ക്യാമ്പ് കോർഡിനേറ്റർ കെ ഷാജി നന്ദിയും പറഞ്ഞു.