അരങ്ങാടത്ത് ഓട്ടോയും കാറും കൂട്ടിയിടിച്ച് ഓട്ടോ ഡ്രൈവര്‍ മരിച്ച സംഭവം; ഓട്ടോയെ ഇടിച്ച കാര്‍ നിര്‍ത്താതെ പോയി, ഓട്ടോ ഇടിച്ചത് മറ്റൊരു കാറില്‍
കൊയിലാണ്ടി: അരങ്ങാടത്ത് ഇന്നലെ ഉണ്ടായ അപകടത്തില്‍ ഓട്ടോ ഡ്രൈവര്‍ മരിക്കാന്‍ കാരണം പിന്നില്‍ നിന്നും വന്ന കാറിടിച്ച്. ഇന്നലെ രാത്രി 10.30 യോടെയാണ് കൊയിലാണ്ടി ഭാഗത്തേക്ക് വരുകയായിരുന്ന ഓട്ടോയില്‍ കാറിടിച്ചത്. ഈ കാര്‍ നിര്‍ത്താതെ പോവുകയായിരുന്നു. കാറിടിച്ച ശേഷം ഓട്ടോ മറ്റൊരു കാറിനെ ഇടിക്കുകയായിരുന്നു. ദേശീയ പാതയില്‍ മനയിടത്ത് പറമ്പില്‍ ക്ഷേത്രത്തിനു സമീപത്തെ പെട്രോള്‍ പമ്പിനടുത്തായിരുന്നു അപകടം.
അപകടത്തില്‍ ഓട്ടോ ഡ്രൈവര്‍ മരണപ്പെട്ടിരുന്നു. കൊരയങ്ങാട് എളവീട്ടില്‍ ബൈജു ആണ് മരിച്ചത്. നാല്‍പതിയാറ് വയസായിരുന്നു. ഓടികൂടിയ നാട്ടുകാര്‍ ചേര്‍ന്ന് കൊയിലാണ്ടി ആശുപത്രിയില്‍ എത്തിച്ചങ്കെിലും ജീവന്‍ രക്ഷിക്കാനായില്ല.
മൃതദേഹം പോസ്റ്റ്മാര്‍ട്ടത്തിനായി കോഴിക്കോട് മെഡിക്കല്‍ കോളേജിലേക്ക് മാറ്റിയിട്ടുണ്ട്.
ബാലകൃഷ്ണന്റെയും ലക്ഷ്മിയുടെയും, മകനാണ് മരിച്ച ബൈജു .സഹോദരി : വിജിത.(കടുങ്ങോഞ്ചിറ)