പ്രിയ സുഹൃത്തിന്റെ ഓര്‍മ്മയ്ക്കായ്; അകാലത്തില്‍ പൊലിഞ്ഞ ഡിവൈഎഫ്‌ഐ മുചുകുന്ന് കോളേജ് യൂണിറ്റ് മുന്‍ സെക്രട്ടറിയായിരുന്ന ചെറുവാനത്ത് ശ്രീരാഗിന്റെ ഓര്‍മ്മയ്ക്കായ് നിര്‍മ്മിച്ച സ്മൃതി മണ്ഡപത്തിന്റെ ഉദ്ഘാടനം നാളെ
കൊയിലാണ്ടി: ഡിവൈഎഫ്‌ഐ മുചുകുന്ന് കോളേജ് യൂണിറ്റ് മുന്‍ സെക്രട്ടറിയായിരുന്ന കോവിഡ് ബാധിച്ച് മരണപ്പെട്ട ചെറുവാനത്ത് ശ്രീരാഗിന്റെ (സാബൂട്ടന്‍ ) ഓര്‍മ്മയ്ക്കായ് ഡിവൈഎഫ്‌ഐ മുചുകുന്ന് കോളേജ് യൂണിറ്റ് നിര്‍മ്മിച്ച സ്മൃതി മണ്ഡപത്തിന്റെ ഉദ്ഘാടനം നവംബര്‍ 3ന്.
സി.പി.ഐ.എം മുചുകുന്ന് ഈസ്റ്റ് ബ്രാഞ്ച് അംഗവുമായിരുന്നു അന്തരിച്ച ശ്രീരാഗ്. വൈകുന്നേരം 5 മണിക്ക് ഡിവൈഎഫ്‌ഐ കോഴിക്കോട് ജില്ലാ സെക്രട്ടറി പി.സി ഷൈജു സമ്ൃതിമണ്ഡപം ഉദ്ഘാടനം ചെയ്യും. പരിപാടിയില്‍ ഡിവൈഎഫ്‌ഐ പയ്യോളി ബ്ലോക്ക് സെക്രട്ടറി പി. അനുപ് , മൂടാടി പഞ്ചായത്ത് പ്രസിഡന്റ് സി.കെ ശ്രീകുമാര്‍ തുടങ്ങിയവര്‍ സംസാരിക്കും.
തുടര്‍ന്ന് നാട്ടിലെ കലാകാരന്‍മാര്‍ അവതരിപ്പിക്കുന്ന കലാവിരുന്നു ഗാനസന്ധ്യയും നടക്കും.