ചരിത്രം ആവര്‍ത്തിച്ച് കോട്ടക്കല്‍ കുഞ്ഞാലി മരയ്ക്കാര്‍ എച്ച് എസ് എസ് സ്‌കൂള്‍; സംസ്ഥാന സ്‌കൂള്‍ കലോത്സവത്തില്‍ കോല്‍ക്കളിയില്‍ എ ഗ്രേഡ് കരസ്ഥമാക്കി ഹൈസ്‌കൂള്‍ ടീം
പയ്യോളി: കോല്‍ക്കളി മത്സരത്തില്‍ ചരിത്രമാവര്‍ത്തിച്ചിരിക്കുകയാണ് കോട്ടക്കല്‍ കുഞ്ഞാലി മരയ്ക്കാര്‍ എച്ച്.എസ്.എസ് സ്‌കൂള്‍. ഇത്തവണത്തെ സംസ്ഥാന സ്‌കൂള്‍ കലോത്സവത്തില്‍ ഹൈസ്‌കൂള്‍ വിഭാഗം കോല്‍ക്കളി മത്സരത്തില്‍ എ ഗ്രേഡ് കരസ്ഥമാക്കിയിരിക്കുകയാണ്.
ഹൈസ്‌കൂള്‍ തലത്തിലും ഹയര്‍സെക്കന്‍ഡറി തലത്തിലും കോല്‍ക്കളി മത്സരത്തില്‍ ഇത്തവണ കുഞ്ഞാലി മരയ്ക്കാര്‍ സ്‌കൂള്‍ ടീം ഉണ്ട്. കഴിഞ്ഞ വര്‍ഷം ജില്ലാ തലത്തില്‍ ഒന്നാം സ്ഥാനം കരസ്ഥമാക്കി ഹയര്‍ സെക്കന്‍ഡറി വിഭാഗം സംസ്ഥാന തലത്തില്‍ എ ഗ്രേഡ് കരസ്ഥമാക്കിയത്. അതേസമയം അപ്പീലിലൂടെ ജില്ലാതലത്തില്‍ നിന്നും സംസ്ഥാന തലത്തിലേക്ക് ഹൈസ്‌കൂള്‍ വിഭാഗവും കോല്‍ക്കളിയില്‍ മത്സരിച്ചിരുന്നു.
ഈ വര്‍ഷം ഹൈസ്‌കൂള്‍ വിഭാഗം ജില്ലാ തലത്തില്‍ ഒന്നാം സ്ഥാനം കരസ്ഥമാക്കിയാണ് സംസ്ഥാന തലത്തിലേക്ക് മത്സരിച്ചത്. റബ്ബിന്‍ ഗുരുക്കളാണ് വര്‍ഷങ്ങളായി കോല്‍ക്കളിയില്‍ പരിശീലനം നല്‍കുന്നത്. ഹൈസ്‌കൂല്‍, ഹയര്‍സെക്കന്‍ഡറി കോല്‍ക്കളി, ഹയര്‍ സെക്കന്‍ഡറി കേരള നടനം എന്നിവയാണ് ഇത്തവണ സംസ്ഥാന സ്‌കൂള്‍ കലോത്സവത്തിലേക്ക് മത്സരിക്കുന്ന ഇനങ്ങള്‍.