ഗൈഡ്‌സ് യൂണിറ്റ് ത്രിദിന ക്യാമ്പിന് നടുവത്തൂര്‍ ശ്രീവാസുദേവ ആശ്രമം ഗവ.ഹയര്‍ സെക്കണ്ടറി സ്‌കൂളില്‍ തുടക്കം
നടുവത്തൂര്‍: 2023-24 അധ്യയന വര്‍ഷത്തെ ഗൈഡ്‌സ് യൂണിറ്റ് ത്രിദിന ക്യാമ്പിന് നടുവത്തൂര്‍ ശ്രീ വാസുദേവ ആശ്രമം ഗവ. ഹയര്‍ സെക്കണ്ടറി സ്‌കൂളില്‍ തുടക്കമായി. ജനുവരി അഞ്ച്, ആറ്, ഏഴ് തിയ്യതികളിലായി ആര്‍.ടി.സി നടുവത്തൂരില്‍ നടത്തുന്ന ക്യാമ്പ് കീഴരിയൂര്‍ പഞ്ചായത്ത് പ്രസിഡന്റ് കെ.കെ.നിര്‍മ്മല ടീച്ചര്‍ ഉദ്ഘാടനം ചെയ്തു.
ഗൈഡ്‌സ് യൂണിറ്റ് ലീഡര്‍ ആര്‍ദ്ര.എസ് സ്വാഗതം പറഞ്ഞ ചടങ്ങില്‍ കീഴരിയൂര്‍ പഞ്ചായത്ത് വികസന സ്റ്റാന്‍ഡിങ് കമ്മിറ്റി ചെയര്‍പേഴ്‌സണ്‍ അമല്‍ സരാഗ അധ്യക്ഷസ്ഥാനം വഹിച്ചു. ഗീത.പി (ഹെഡ്മിസ്ട്രസ് എസ്.വി.എ.എച്ച്.എസ്.എസ്), കീഴരിയൂരിലെ എട്ടാം വാര്‍ഡ് മെമ്പര്‍ കെ.സി.രാജന്‍, പി.ടി.എ പ്രസിഡന്റ് കെ.സി.സുരേഷ്, മദര്‍ പി.ടി.എ പ്രസിഡന്റ് റീത്ത ബിജുകുമാര്‍, കരിയര്‍ ഗൈഡന്‍സ് കോര്‍ഡിനേറ്റര്‍ വീനീത് കെ.പി, സ്റ്റാഫ് സെക്രട്ടറി സോളമന്‍ ബേബി എന്നിവര്‍ ചടങ്ങില്‍ ആശംസകള്‍ നേര്‍ന്നു.
ഗൈഡ്‌സ് യൂണിറ്റ് അംഗം ദേവപ്രിയ എം.എം. ചടങ്ങില്‍ നന്ദിയും പറഞ്ഞു. ശില്‍പ.സി (ഗൈഡ്‌സ് ക്യാപ്റ്റന്‍) ഫിസിക്‌സ് അധ്യാപിക അനുഷ.എ, സ്മിത.പി, ഷാജി.ഐ എന്നിവര്‍ പരിപാടികള്‍ക്ക് നേതൃത്വം നല്‍കി.