കോഴിക്കോട്: കേരള മത്സ്യത്തൊഴിലാളി ക്ഷേമനിധി ബോര്‍ഡില്‍ രജിസ്റ്റര്‍ ചെയ്ത മത്സ്യത്തൊഴിലാളികളുടെ മക്കളില്‍ നിന്നും സൗജന്യ മെഡിക്കല്‍ എന്‍ട്രന്‍സ്/ ഐഐടി/എന്‍ഐടി/സിവില്‍ സര്‍വ്വീസ് പരീക്ഷാ പരിശീലനങ്ങള്‍ക്ക് അപേക്ഷ ക്ഷണിച്ചു. അപേക്ഷകര്‍ക്ക് എഫ് ഐ എം എസ് ഐഡി ഉണ്ടായിരിക്കണം. അപേക്ഷ ലഭിക്കേണ്ട അവസാന തീയതി ജൂണ്‍ 25.   

യോഗ്യതകള്‍:

1. മെഡിക്കല്‍ എന്‍ട്രന്‍സ്: പ്ലസ്ടുവിന് ഫിസിക്‌സ്, കെമിസ്ട്രി, ബയോളജി വിഷയങ്ങള്‍ക്ക് 85 ശതമാനം മാര്‍ക്ക് അല്ലെങ്കില്‍ 2024 നീറ്റ് പരീക്ഷയില്‍ 41 ശതമാനം സ്‌കോര്‍

2. ഐഐടി/എന്‍ഐടി: പ്ലസ് ടു ഫിസിക്‌സ്, കെമിസ്ട്രി, മാത്സ് വിഷയങ്ങള്‍ക്ക് 85 ശതമാനം മാര്‍ക്ക്.

3. സിവില്‍ സര്‍വ്വീസ്: ഏതെങ്കിലും ബിരുദത്തില്‍ 60 ശതമാനം മാര്‍ക്ക് (അപേക്ഷകര്‍ കേരള സിവില്‍ സര്‍വ്വീസ് അക്കാദമി നടത്തിയ എന്‍ട്രന്‍സ് പരീക്ഷ വിജയിച്ചവരായിരിക്കണം). ഫോണ്‍: 0495-2383780.