കൊച്ചി: സ്റ്റേഡിയത്തിൻ്റെ ഗാലറിയിൽ നിന്ന് താഴേക്ക് വീണ് തൃക്കാകര എംഎൽഎ ഉമ തോമസിന് ഗുരുതര പരിക്ക്. കലൂർ ജവഹർലാൽ നെഹ്റു ഇൻ്റർനാഷണൽ സ്റ്റേഡിയത്തിൻ്റെ വിഐപി ഗാലറിയിൽ നിന്നാണ് എംഎൽഎ വീണത്. ഇന്ന് വൈകീട്ടാണ് സംഭവം.

കോൺക്രീറ്റിൽ തലയടിച്ചാണ് വീണതെന്നാണ് ദൃക്സാക്ഷികൾ പറയുന്നത്. ഉമ തോമസിനെ ആശുപത്രിയിൽ പ്രവേശിപ്പിച്ചു. എംഎൽഎയുടെ തലക്ക് ഗുരുതരമായി പരുക്കേറ്റിട്ടുണ്ടെന്നാണ് വിവരം.  സ്റ്റേഡിയത്തില്‍ നടക്കുന്ന നൃത്തപരിപാടിയുടെ ഭാഗമായാണ്ഉമാ തോമസ് ഇവിടേയ്ക്ക് എത്തിയത്.