കൊയിലാണ്ടി: സി.ഐ.ടി.യു സംസ്ഥാന സമ്മേളനത്തിന് ആവശ്യമായ നാളികേരം കേരള കര്‍ഷക സംഘം കോഴിക്കോട് ജില്ല നല്‍കി. കൊയിലാണ്ടിയില്‍ നടന്ന ചടങ്ങില്‍ പതിനായിരം തേങ്ങ ജില്ലാ സെക്രട്ടറി ജോര്‍ജ് എം.തോമസ് സി.ഐ.ടി.യു. ജില്ലാ സെക്രട്ടറി കെ.ദാസന് കൈമാറി.

ചടങ്ങില്‍ ജില്ലാ പ്രസിഡണ്ട് എം.മെഹബൂബ് അദ്ധ്യക്ഷനായി. കേന്ദ്ര കന്മറ്റി അംഗം പി.വിശ്വന്‍, കെ.കെ.മുഹമ്മദ്, ടി.കെ.ചന്ദ്രന്‍, കെ.പി.ചന്ദ്രി എന്നിവര്‍ പ്രസംഗിച്ചു. ജില്ലാ ട്രഷറര്‍ കെ.ഷിജു സ്വാഗതവും പി.കെ.ബാബു നന്ദിയും പറഞ്ഞു.

2022 ഡിസംബര്‍ 17 മുതല്‍ 19 വരെയാണ് കോഴിക്കോട് സി.ഐ.ടി.യു സംസ്ഥാന സമ്മേളനം നടക്കുന്നത്.