കൊയിലാണ്ടി: പയ്യോളിയില്‍ നിരോധിത പുകയില ഉല്പന്നങ്ങളുമായി വയോധികന്‍ പിടിയില്‍. പയ്യോളി പുതിയോട്ടില്‍ മജീദ് (64) ആണ് അറസ്റ്റിലായത്. വിദ്യാര്‍ത്ഥികളെ ലക്ഷ്യമിട്ടുകൊണ്ട് വീട് കേന്ദ്രീകരിച്ച് ഇയാള്‍ ഹാന്‍സ് വില്‍പ്പന നടത്തുകയായിരുന്നു.
വിദ്യാര്‍ഥികള്‍ ഇവിടെയെത്തി ലഹരിയുല്‍പ്പനങ്ങള്‍ വാങ്ങുന്നുവെന്ന രഹസ്യവിവരത്തിന്റെ അടിസ്ഥാനത്തില്‍ ഇന്ന് ഉച്ചയ്ക്ക് നടത്തിയ പരിശോധനയിലാണ് ഇയാള്‍ പിടിയിലായത്.

പയ്യോളി ഹയര്‍ സെക്കണ്ടറി സ്‌കൂളിലെ വിദ്യാര്‍ഥികളെ കേന്ദ്രീകരിച്ചാണ് ഇയാള്‍ ഹാന്‍സ് വില്‍പ്പന നടത്തിയിരുന്നത്. പയ്യോളി രണ്ടാം ഗേറ്റിന് സമീപത്തെ ബാറിന് പിന്‍വശത്തുള്ള വീട്ടില്‍ വെച്ചാണ് നിരോധിത പുകയില ഉത്പന്നമായ ഹാന്‍സുമായി പോലീസ് പിടികൂടിയത്. പ്രതിയ്ക്കെതിരെ സിഗരറ്റ് ആന്റ് അതര്‍ ടുബാക്കോ പ്രോഡക്ട് ആക്ട് പ്രകാരം കേസെടുത്തു. പയ്യോളി എസ്.െഎ സജീഷ്, എസ്.ഐ ജയദാസന്‍, ഡബ്ല്യു.സി.പി.ഒ അശ്വതി എന്നിവരുള്‍പ്പെട്ട സംഘമാണ് പരിശോധന നടത്തിയത്.

Summary: elderly-man-arrested-with-banned-tobacco-products-in-payyoli.