കൂട്ടുകൂടാനായി ഒരു തണല്‍; ചേമഞ്ചേരിയിലെ വയോജനങ്ങള്‍ക്കായി തുറന്ന് ‘സ്‌നേഹസ്ഥലി’ വയോജന ക്ലബ്ബ് ഓഫീസ്
ചേമഞ്ചേരി: ചേമഞ്ചേരിയില്‍ വയോജനങ്ങള്‍ക്കായി പുതിയ വയോജന ക്ലബ് ഓഫീസ് ‘സ്‌നേഹസ്ഥലി’ ആരംഭിച്ചു. ചേമഞ്ചേരി ഗ്രാമപഞ്ചായത്തിന്റെ നേതൃത്വത്തില്‍ തിരുവങ്ങൂരില്‍ പ്രവര്‍ത്തനമാരംഭിച്ച പുതിയ ഓഫീസ് എം.എല്‍.എ കാനത്തില്‍ ജമീല ഉദ്ഘാടനം ചെയ്തു.
ചേമഞ്ചേരി ഗ്രാമപഞ്ചായത്ത് പ്രസിഡണ്ട് സതി കിഴക്കയില്‍ അധ്യക്ഷത വഹിച്ച ചടങ്ങില്‍ പന്തലായനി ബ്ലോക്ക് പഞ്ചായത്ത് പ്രസിഡണ്ട് പി. ബാബുരാജ് മുഖ്യാതിഥി ആയിരുന്നു.
സ്‌നേഹസ്ഥലിയുടെ സെക്രട്ടറി ടി.വി ചന്ദ്രഹാസന്‍ റിപ്പോര്‍ട്ട് അവതരിപ്പിച്ചു. ജില്ലാ പഞ്ചായത്തംഗം സിന്ധു സുരേഷ്, ഗ്രാമ പഞ്ചായത്തംഗം ഷബ്‌ന ഉമ്മാരിയില്‍, ഗ്രാമപഞ്ചായത്ത് സെക്രട്ടറി ടി. അനില്‍കുമാര്‍ എന്നിവര്‍ ആശംസകളര്‍പ്പിച്ച് സംസാരിച്ചു. സ്‌നേഹസ്ഥലി പ്രസിഡണ്ട് ടി. കെ ദാമോദരന്‍ സ്വാഗതവും ഐ.സി.ഡി. എസ് സൂപ്പര്‍വൈസര്‍ രമ്യ കെ.ആര്‍ നന്ദിയും പറഞ്ഞു.