കൊയിലാണ്ടി: നന്തി – വീരവഞ്ചേരിയിൽ വെച്ച് നടക്കുന്ന സി.പി.ഐ.എം പയ്യോളി ഏരിയാ സമ്മേളനത്തിൻ്റെ ഭാഗമായി നന്തി വില്ലേജ് തല ജനാധിപത്യ മഹിളാ അസോസിയേഷന്റെ നേതൃത്വത്തിൽ മഹിളാ സംഗമം സംഘടിപ്പിച്ചു. ഡിസംബർ 7,8 തിയ്യതികളിലാണ് സമ്മേളനം.

നവംബര്‍ 24ന്‌ വൈകിട്ട് നാല് മണിക്ക് എളമ്പിലാട് സംഘടിപ്പിച്ച പരിപാടി ജില്ലാ കമ്മറ്റി അംഗം ഡി.ദീപ ഉദ്ഘാടനം ചെയ്തു. വില്ലേജ് കമ്മറ്റി പ്രസിഡൻ്റ് കെ.സിന്ധു അദ്ധ്യക്ഷത വഹിച്ചു.

ജില്ലാ കമ്മറ്റി അംഗം ഷീജ പി.കെ, എരിയാ കമ്മറ്റി അംഗങ്ങളായ രജുല, പുഷ്പ ഗ്രീൻവ്യൂ, കെ. ജീവാനന്ദൻ (സി.പി.ഐ.എം പയ്യോളി ഏരിയാ കമ്മറ്റി അംഗം), നന്തി ലോക്കൽ സെക്രട്ടറി വി.വി സുരേഷ് എന്നിവർ സംസാരിച്ചു. സെക്രട്ടറി സ്മിത പി.സ്വാഗതവും, ട്രഷറർ ശ്രീലത നന്ദിയും പറഞ്ഞു.

Description: Elambilad Democratic Women’s Association’s Mahila Sangam