ചേമഞ്ചേരി ഗ്രാമപഞ്ചായത്ത് മുന്‍ പ്രസിഡന്റ് ഇ ശ്രീധരന്‍ മാസ്റ്റര്‍ അന്തരിച്ചു
ചേമഞ്ചേരി: ചേമഞ്ചേരി ഗ്രാമപഞ്ചായത്ത് മുന്‍ പ്രസിഡണ്ടും പൂക്കാട് കലാലയം മുന്‍ ജനറല്‍ സെക്രട്ടറിയും രാഷ്ട്രീയ സാമൂഹ്യ രംഗങ്ങളിലെ സജീവ സാന്നിദ്ധ്യവുമായിരുന്ന ഇ. ശ്രീധരന്‍ മാസ്റ്റര്‍ അന്തരിച്ചു. എഴുപത്തിയേഴ് വയസായിരുന്നു.
ചേമഞ്ചേരി യു.പി. സ്‌കൂള്‍ പ്രധാനാധ്യാപകനായി വിരമിച്ചതാണ് അദ്ദേഹം. അഭയം സ്‌പെഷ്യല്‍ സ്‌ക്കൂള്‍ നിര്‍വ്വാഹക സമിതി അംഗം, ഇന്ത്യന്‍ നേഷനല്‍ കോണ്‍ഗ്രസ്സ് ചേമഞ്ചേരി മണ്ഡലം സെക്രട്ടറി എന്നീ നിലകളില്‍ പ്രവര്‍ത്തിച്ചിട്ടുണ്ട്.
ഭാര്യ: കോറോത്ത്കണ്ടി രാധ. മക്കള്‍: ഷീജ (അധ്യാപിക, ചേമഞ്ചേരി യു.പി.സ്‌കൂള്‍), സിന്ധു (അധ്യാപിക, തിരുവങ്ങൂര്‍ ഹൈസ്‌ക്കൂള്‍), മരുമക്കള്‍ ദിനേഷ് ബാബു, സിജിത്ത് തീരം (മമത ബേക്കറി, പൂക്കാട്) സഹോദരങ്ങള്‍ തെക്കെ വളപ്പില്‍ ബാലകൃഷ്ണന്‍ നായര്‍, പരേതരായ ആനയാടത്ത് മീനാക്ഷി അമ്മ, തെക്കെ വളപ്പില്‍ ലക്ഷ്മിയമ്മ, തെക്കെ വളപ്പില്‍ ദേവിയമ്മ, ഉമ്മിണിക്കണ്ടി ശ്രീമതിയമ്മ.
സംസ്‌ക്കാരം ഉച്ചയ്ക്ക് രണ്ട് മണിക്ക് വീട്ടുവളപ്പില്‍ നടക്കും. വൈകീട്ട് അഞ്ച് മണിക്ക് പൂക്കാട് ഫ്രീഡം ഫൈറ്റേര്‍സ് ഹാളില്‍ അനുശോചനയോഗം ചേരും.