കുട്ടികള്‍ക്ക് ശുദ്ധജലം ഉറപ്പാക്കാന്‍ കൊല്ലം സ്വദേശിനിയുടെ സഹായം; പിഷാരികാവ് ദേവസ്വത്തിന് കീഴിലെ കൊല്ലം എല്‍.പി സ്‌കൂളിന് വാട്ടര്‍ പ്യൂരിഫയര്‍ സംഭാവന നല്‍കി
കൊയിലാണ്ടി: പിഷാരികാവ് ദേവസ്വത്തിനു കീഴിലെ കൊല്ലം എല്‍.പി. സ്‌കൂളിന്റെ 150ാം വാര്‍ഷികാഘോഷത്തിന്റെ ഭാഗമായി സ്‌കൂളിന് വാട്ടര്‍ പ്യൂരിഫയര്‍ സംഭാവന നല്‍കി. കൊല്ലം കോറുവീട്ടില്‍ സന്ധ്യാകിഷോര്‍ ആണ് സ്‌കൂളിന് വാട്ടര്‍ പ്യൂരിഫയര്‍ വാങ്ങി നല്കിയത്.
കുട്ടികള്‍ക്ക് ശുദ്ധജലം കുടിക്കാന്‍ ലഭ്യമാക്കുക എന്നത് ഒരു നല്ല കാര്യമായി കാണുന്നു എന്ന് സന്ധ്യ കിഷോര്‍ പറഞ്ഞു. പിഷാരികാവ് ദേവസ്വം ട്രസ്റ്റി ബോര്‍ഡ് ചെയര്‍മാന്‍ ഇളയിടത്ത് വേണുഗോപാല്‍ സന്ധ്യ കിഷോറില്‍ നിന്നും പ്യൂരി ഫയര്‍ ഏറ്റു വാങ്ങി. ചടങ്ങില്‍ സ്‌കൂള്‍ ഹെഡ്മിസ്ട്രസ് ആര്‍.ബിനിത, മുഹമ്മദ് ഷെഫീഖ്, കാര്‍ത്ത്യായനി എന്നിവര്‍ പങ്കെടുത്തു.