‘ഈ പൊതു തെരഞ്ഞെടുപ്പിലൂടെ ജനാധിപത്യ ഇന്ത്യ ഉയര്‍ത്തെഴുന്നേല്‍ക്കും’; പ്രമുഖ കോണ്‍ഗ്രസ് നേതാവ് യു. രാജീവന്‍ മാസ്റ്ററുടെ രണ്ടാം ചരമവാര്‍ഷികം സംഘടിപ്പിച്ച് സാംസ്‌ക്കാരിക വേദി
കൊയിലാണ്ടി: പ്രമുഖ കോണ്‍ഗ്രസ് നേതാവ് യു. രാജീവന്‍ മാസ്റ്ററുടെ രണ്ടാം ചരമവാര്‍ഷികം സംഘടിപ്പിച്ച് സാംസ്‌ക്കാരിക വേദി. ഈ പൊതു തെരഞ്ഞെടുപ്പിലൂടെ ജനാധിപത്യ ഇന്ത്യ ഉയര്‍ത്തെഴുന്നേല്ക്കുമെന്ന് അനുശോചന സമ്മേളനത്തില്‍ ഡി.സി.സി പ്രസിഡണ്ട് അഡ്വ. കെ.പ്രവീണ്‍ കുമാര്‍ പറഞ്ഞു.
സാംസ്‌കാരിക വേദി സംഘടപ്പിച്ച അനുസ്മരണ സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. അനുസ്മരണ പ്രഭാഷണം യു.ഡി.എഫ് സ്ഥാനാര്‍ഥി ഷാഫി പറമ്പില്‍ നിര്‍വ്വഹിച്ചു. സാംസ്‌കാരിക വേദി ചെയര്‍മാന്‍ വി.വി.സുധാകരന്‍ അധ്യക്ഷത വഹിച്ചു.
മുസ്ലീം ലീഗ് ജില്ലാ സെക്രട്ടറി ടി.ടി. ഇസ്മായില്‍, പി. രത്‌നവല്ലി, മഠത്തില്‍ നാണു മാസ്റ്റര്‍, അഡ്വ. കെ. വിജയന്‍, നടേരി ഭാസ്‌കരന്‍, മനോജ് പയറ്റുവളപ്പില്‍, രജീഷ് വെങ്ങളത്തുകണ്ടി, എന്‍. ദാസന്‍ ഒ.കെ. വിജയന്‍ എന്നിവര്‍ സംസാരിച്ചു.